TRIPPGEMURMEL

...Costa Rica zum 2 te...

{ 04:29, 12 April 2007 } { 1 Kommentare } { Link }

So ben also nomol nach Costa Rica zrug well mer en guete Kaerli us Duetschland gschribe het oeb mer ned zaeme fuer es paar Taeg en Raegewald waend...also machemer das ez ab morn...esch unglaubli do es het vo de Schlange bes zum Delphin eifach alles do...de reinschti Zoo for de Hustuer:) aber es tuet guet...!

Ja ede letschte Taeg beni no en Panama-City und en Taboga gsi...da esch en Insle oeppe en Stund vo Panama entfernt...wunderschoen werd au Insle vo de Blueme gnaennt...han no nie so schoeni Orchidee gseh:)

Ja han denn aber kei Gaeld me gha und weder vorzitig zrugg nach Panama muesse...nachdem ich denn en schloflosi Nacht gha han well em naebezimmer drue Putas eri Dienscht verrichtet haend hani gfunde....Hmm Dschungel toent gar ned soooo schlaecht....oder aemel anderscht:)

Ja nach dem Abentuerli wo morn startet hau ichs denn glaub nach Colombia...mag nuem laenger warte fuer America del Sur...

....Kuss uf de lingi chlini Zeche....ja genau det....



...ahh i bin ufre Insle...jaesoo...

{ 11:41, 3 April 2007 } { 1 Kommentare } { Link }

...jaa do beni weder mol...

Bin die letschte 2 Wuche in Costa-Rica gsie aber ned wuerkli warm worde metem Land...

Dur das das ez Semana-Santa (Feschttaeg;esch normal das die ganz Familie underwaegs isch an Strand oder Verwanti bsuechle etc) esch  nomol alles vill tuerer als normal...somit zahlsch denn fuer es Aesse fascht so vill wie bi eus...

D Natur und Tierwaelt waer total genial ben denn ad Karibikkueschte gfahre und han es paar Taegli amne einsame Strand verbrocht...aber esch trotzdem z tuur gsi...

En Umfall haemmer au no bauet bzw de Laschtwagefahrer woni metem gfahre bin...aber het niemertem oeppis gmacht ussert em Auto woner abdraengt het...da het eher luschtig usgseh:)

...Ez beni vorgeschter witers nach Panama via Bus und Boot und hocke ez en Bocas...da esch en Insle em Norde vo Panama...han zerscht ned mol gwuesst dasi ufre insle bin...aber da macht s reisle ergendwie spannend ned....ok a dere Stell hanis geschter em I-Kafi nuem usghalte und ben schleunigscht ufs WC graennt bzw han fasch ed Hose gmacht...aber ez esch todo tranquillito und i sitze beschwaerdelos vorem Bildschirm...magsch mer goenne he...so nei also...

Ja koerperlich gohts mer erstuhnlich guet i ben no nie wuerkli chrank gsi oder han de Schisser gha oder so oeppis...nada...esch scho fascht chli komisch weni daenk met was mer en Afrika nachere Wuche kaempft haend...:) und i sitz do meischtens oeppe em gliche Draeck...aber esch jo guet wens so isch...

....ja also weni zrug chum hani wuerkli einigi Chaote-Stories meh a Lager:) jede Tag esch bitz chaotisch aber da magi ebe...weisch nie was als noegschts chunt...aber kei Angscht-gsehsches wens do isch...:)

Glaub gang ez morn zerscht mol nach Panama-City bruche weder mol en Landcharte;da esch jewils s einzige woni no bsorge...de raescht chasch au plane aber es chunnt sowieso andersch und meischtens besser:)

Rom



Churz und buendig...

{ 10:49, 19 March 2007 } { 1 Kommentare } { Link }
...i laebe no...

...und zwar en Leon/Nicaragua...

...Chan vo mim Bett es Swiming-Pool gumpe...

...han glehrt wie mer d Polizei schmieret...

...Aesse esch guet...

...d Begaegnige besser:))!...

...de morgig Tag gseht us wie uf de Spitze vomene Vulkan...

...en Sunneufgang tanze Klappe die erschte und sicher nid letschte...

...190 Km Fluss und Raegewald und es Kanu wartet....


...Gracias adios...


BAAAEEEHHH ES ROCKT

{ 01:39, 12 March 2007 } { 3 Kommentare } { Link }

...Jaja da bini mal wieder....bin also ez huet grad vo UTILA cho da esch en Insle uf de Karibische Site vo Honduras....ben det go schnorchle und sicher au wenig bes gar nuet schlofe...darum hani das Experimaent muesse abbraeche wells eifach zschoen gsi esch...(mer choent guet det hangeblibe und die meischte Backpackers sends au...vill schoeni Natur woni metem Quad erforscht han und z viell PArty....also beni ez ufem lange Waeg en Suede...gange morn nach Nicaracua....aber Honduras werd unvergaesslich blibe....so gueti Begaegnige...sooooo viiiill Party...und en Natur wo eifach es Paradis isch....iez hets agfange de Reisefilm.....

Drueck eu ganz DOLLLL



Flores es BONITO

{ 04:26, 24 February 2007 } { 0 Kommentare } { Link }
Ben em momaent grad en Flores em Norde vo Guatemala...enere absolut hammer Jugi met dorewaegs Freaklis:)) Esch so special do ueberall Papagaie und soeschtigs Getier:)

Ede letschte Taeg beni am Lago Izabal gsi em Dennys Beach...met Abstand de schoenscht Strand en Guatemala! Vo det us simmer denn mitem Schiffli ueber de See zo gfahre und denn no oeppe en Stund en Raegewald gloffe...denn chunnt mer zu de waeltwiit einzige heiiiissssseeee Wassserfaell....so oeppis hani no nie erlaebt! S Wasser esch oeppe 50 Grad heiss und wend under d Felse tauchsch hets so chlini Grotterne wo Saunastimmig herrscht...en absolute Traum!!!

Da met de Foeteli klappet em Bolg enne ned aber i werd nach und nach es paar a die E-Mail adis schicke woni han...

Gange ez morn d Maya Ruine vo Tikal go aluege...esch zwar verbote det zblibe ueber Nacht aber i han ghoert das em Raegewald esch hesch de reinschti Zoo um di ume...selll raecht angschtifloessend sii...aber Graenzerfahrige mached emmer spass:)))

Danke uebrigens fuer eui Itraeg esch emmer weder schoen chli zgseh was bi eu goht!!

Umarm eu

Romi


Verde Guatemala

{ 08:54, 20 February 2007 } { 3 Kommentare } { Link }

...so ade Graenze mol ordentlich bschisse worde aber het jo muesse so cho esch zlang alles guet gloffe:)

Schicke eu es churzes Gruessli us Guatemala...atemberaubendi Natur und Kultur do:)

De Phil esch em Norde vo Mexico blibe und igang ez z Guatemala nach Tikal und denn witers uebers Land en Suede



Zipolite und Mazunte

{ 07:27, 14 February 2007 } { 0 Kommentare } { Link }

Que bola?

Hey ihr Gfroerlis wie haenders?

Eus gohts tip top. Mer mached de ganz Tag descansar!!

Mer send am zemlich suedlichschte Punkt vo Mexico am Puerto Escondido. Es het det 2 supersschoeni Hippi Straend met einsame Buchte und viiiil Sunne und Music und guete Luet und und und....

Uebermorn goemmer denn witer...de Philippe blibt nochli en Mexico und i mach mi uf de Waeg nach Guatemala Honduras etc...

Han mer ez huet grad aendli en Gitare gleischtet do hets saugueti gandgmachti fuer soooo wenig Gaeld:)

Probiere ez denn nomol Foeteli uezlade aber i glaub die Sach funktioniert nur per E-Mail...

Also mer goend ez weder go usspanne esch au gar muehsam e dem staedli und dere Hitz:))

Gruessli und DESCANSADO



::::ZIHUATANEJO:::

{ 06:23, 8 February 2007 } { 1 Kommentare } { Link }

Hey ehr mer send ez set 2 Tag ade Suedkueschte und zwar en Zihuatanejo (kennt oepper die Verurteilten) gsi...do eschs 40 Grad und alles passt:)))

Goend ez witer ueber d Nacht 12H emene Bus:( defoer semmer nochetaer amene wunderbare Hippistrand wo alt und jung zaemelaebt...daenke det waerdemer es Wili blibe...

Haend eu gaeeeeree

Roemi und Phile



.....Aiaiai und scho en Mechico....

{ 01:08, 1 February 2007 } { 1 Kommentare } { Link }

,,,So iben hoet acho,,,

Also ben hoet en Mechico acho und do schloht ganz en andere Takt...

Wohne wuerkli em Zentrum vom Zentrum. Jede Tag esch do en Maert wo anderscht gross isch...es schimmeret vo Farbe und ueberall wird ghebet und Wahr abote...

Grad oeppe hundert Meter vo de Jugi entfernt esch en riese Platz und det esch hoet Nomi en oeffentlichi Kundgaebig gsi wos drum gange isch, das d Mexikaner en art wie z Kuba en PLAN DE 20 PUNTOS forderet zur Verbesserig vo erer Situation...het secher ein 500000 Luuet gha wo demonstriert haend und de Redner zuegloset haend...raecht en luschtigi Sach gsi bes denn mehreri Ploizeihelikopter uftaucht send und ez grad dem ganze met de ganze Bodeeinheite und mucho Traenegas und Gummischrott es Aendi am bereite send...glaubet gar ned was e dene Strosse do usse abgoht...unglaublich....eis Chaos aber das send mer eus jo langsam gwoennt...

Het uf jedefall einiges zgseh do en Mexiko und veeeel billiger als Kuba esches au!!

I blib ez bes am Fritig do und denn gangi ane Outdoor chli usserhalb vo de City in the Mountains...Det treff ich de Phile und am Maentig packemer euses Rucksaeckli defintiv und hauets go s Land aluege...

Aber au weni erscht paar Stuendli do ben mues saege Mxiko seit mer be witem besser zue und i glaub mer waerded do en geniali Ziit ha met dene velle Freaks hehe...

 

Also gaend acht ede Nacht haend eu gaern besos

Roemi und Phile



En linea con Fidel und tschuesssss!!

{ 06:11, 28 January 2007 } { 2 Kommentare } { Link }

...soso mer sends weder emol oder vellmeh no ich....

Mer haend ez grad chli en muehsami Ziit hender eus und de Phile esch ez scho fangs witer nach Mexico.

Mer haend Problem gha do a Gaeld zcho well natuerli jedi Charte und prinzipiell alles wo vo de USA chuntt boykotiert werd...da machts ned grad eifach aber da merkt mer ersch wemer do esch was denn alles so nuem goht...z.B Travelcard und Master etc. funktioniert ueberall uf de Waelt;jae jo natuerli nume en Cuba ned...

Haends ets muesse ueber d Schprochschuel mache suscht waeremer nuem zu Gaeld cho...

Jo das alles het eusi Fraeud und d Istellig zum Land zemli truebt...es esch do raecht strub wied Cubaner fuer sich send und Tourischte...als Tourischt esches verbote bemene Cubaner metzfahre...darfsch nur Taxi ne...natuerli naemed di Teil scho met eifach wenn verwuetscht wersch chunsch es Kittchen...und Kontrolle dur s Militaer esch enorm. A jedem Strassegge stoends und haend so Wachhuesli...und komischerwis haend d Cubaner wahnsinnig Schiss vor de Polizei und em Militaer...worschindli werd ned grad lieb met der umgange wenns di paecklet...ja nu.

WWie gseit dur das das mer meischtens muend Taxi neh goht extrem Chole druf und mer haend beschlosse fruener als erwartet nach Mexico zgoh...ebe de Phile esch ez huet morge abgfloge und i fluege am Zischtig morge. Denn waerdemer en Ziit elei underwaegs si und traeffed eus denn weder anere Party:))

Cuba het aber au gueti Idroeck henderloh! Mer haend es wuerkli wuerkli grobs Weekend gha emene Park wo wunderbare alte Techno gloffe isch...ja; d Cubaner wuessed wie mer fiired hehe. Goht de chli andersch zue und haer als ede Schwiz:)))aiaiai!!

Mer haend au vell gueti Luet em allgemeine doerfe kennelehre!! Es get also au ehrlichi Luet do und du wersch ned emmer nur usgnoh...jaja und es Spital haemmer au scho vo innegseh etc. Als e allem eschs en unvergaesslichi Ziit met unvergaessliche Luet do gsi wo eus veli neui Idroeck uf de Waeg geh haend!! Gracias!!

Aber zum Land saelber und de Politikik chani nu saege: FIDEL,DONDE ES EL REVOLUTION?!? ...nuem vell oebrigblebe wemer merkt das das Land nur vom Tourismus und laengscht vergangene Gschichte laebt...en neui Revolution waer do bitternoetig!!

S noechscht mol denn us Mechico soy Roman Gracias Adio!!!



HEISS

{ 09:01, 15 January 2007 } { 5 Kommentare } { Link }

Hey ihr gringos

Es goht eus muy bien! Esch nur eifach zu heiss do und da schloht zemli ufs gmuet...haend eigentli welle das wuchenaend us de Stadt aber het ned funktioniert...under de Wuche gohts do aber am Wuchenaend eschmer alles chli zhektisch und z bsoffe do...es trinkt eifach jede und da goht met de Ziit zuenftig uf de Sack!!!

Ja nu mer versuessed ez eus die Ziit do uf eusi Art und d Hauptsach esch jo dasmer guet Spanisch lerned...aber i freu mi Mechico!!

Han nuem meh Ziit also luged zu eu und loends eu guet goh mer macheds genau soo...

Roemi&Phil



Freude herrscht und zwar ordeli naemli:))

{ 08:40, 11 January 2007 } { 0 Kommentare } { Link }

Hola q ue tall?

Eus gohts wunderbar mer send eus langsam am aklimatisiere und choene ned gnue ueber cho vo dem karibische Traumli!!

Geschter semmer anen typisch karibische Strand gfahre und haend de wissi Sand und di gruene Waelle gnosse...aber IL ROMANO het muesse uebertribe und isch fascht vertrunke...i han wuerkli cheibe Glueck gha sin Luut a ort und Stell gsi!!

MERKE: Au wen soescht alles ganz andersch isch do d Waelle sind so starch wie ueberall und de Sog wo de Strand emmer chliner loht lo waerde tambien(auch)...

S laebe do esch sooo luschtig,die luut haend kei Arbeitsmoral aber en riese laebesmoral!!

Am Obe traeffed sech die aermere Junge Leuts am Malecon met Instrumaent und ere geute Flaesche Rum zum fiire...Jaja de Rum hangt mer scho zuenftig zum hals us!! Aber s musiziere no laaaang nonig:))do spillt a jedem Egge en Band und d Luut tanzed und singed und gnuessed sLaebe;wies halt si sell!!!!

Chli schaaise isch das alles so tuur isch;und es isch umgraechnet fuer Taxis Aesse etc TUERER als ide schwiz...aber mer chan jo bekantlich maerte und schauschpilere und s schpanisch chunt au emmer me...

Em guesthouse esches Tipiitopii usser de Kakerlake und de grauende Waend;heikel doerfsch wuerkli ned si do...Eus amas de casa sind 2 alti Kubanerinne wo so spicky druff sind,aecht super Luut!!

Morn mietemer en Cadilac Deville(Jg 53 esch en Traum vo mer so es Auto mol zfahre) und fahred waeg vo Habana es landesinnere Landesinnere...

I vermess eu maengisch scho au die oeberus amuesante WUCHENAEND aber i chum do gar ned derzue zum gross nodaenke;mer laebt do vme als sich Sorge mache...

I schick eu Liebi laebesfroid und en ordentliche Gutscch unaendlichi Jugend wo do herrscht....Bis glii ...

Romi



ES GOHT EUS HAMMMER!!!!

{ 07:37, 9 January 2007 } { 0 Kommentare } { Link }

Hola compadres

 

ES esch alles tip top mer send guet acho und Habana und esch en Traum!!! Han fascht kei Ziit me aber usser das alles relativ tuur esch eschs eifach nur en zuckersuessi sach!!! Goend go reise....i maeld mi weder und denn gits en richtige Itrag...Soerrry

 

Roman



De z`grossi Schueh foht a laufe:) ...Hola Habana..!

{ 10:57, 22 December 2006 } { 1 Kommentare } { Link }

Hey zäme

Am 6. Januar startet eusi chli gross Reis nach Cuba und Südamerika! Chömed doch zwöschenie cho ineluege i werd laufend chli Fotis uelade und chli texte wies eus so lauft...



Über mich

Startseite
über mich
Archiv
Freunde
Mein Fotoalbum

Links

Apropo

Kategorien


Neue Einträge

...Costa Rica zum 2 te...
...ahh i bin ufre Insle...jaesoo...
Churz und buendig...
BAAAEEEHHH ES ROCKT
Flores es BONITO

Freunde