BananaMoon

Description

Seleee zämä! I ha beschlosse hie in mis Läbe z kommentiere...Ja...s gits haut o das mir mau öpis passiert :-) Viu Spass wünschi öich :-)


My Links

» Home
» My Profile
» Weblog Archives
» Friends

Aues us mim längwilige Dasein uf dere Ärde :-)

 

 °*°~SeLeeeee :-)~°*°


Nun jaaa...ha dänkt, i chönt ja o mau es paar Sache us mim miggrigä Läbä verzeue :) öb mes gloubt oder nid...o mir passiere Sache i mim längwilige Dasein uf dere Ärde :-)

 

9. Juli 2006

Aui hei so lang druf gwartet, mir hei aui mitgfieberet mit üsne Liebligsmannschafte, und so schnäu ischs oscho wider verbiii: d WM 2006. Ja was wotmä? Die richtige si Wäutmeischter worde, und angeri wos nid verdient hättä gha so wit ds cho si du ufe 3. Platz cho...Me chas nid usläsä. Abeeeer, heee, MINI Italiäner heis dene Franzose scho zeigt! So kuul, ha doch grad mini Italie-Fahne voruse ghänkt :-) (Guet, das hai immer gmacht wosi gspiut hei *smile) d Italiäner chöi wenigstes RICHTEGI Penaltys schiesse....im Gägäsatz zu andere (sprich: d Schwizer!). Uf jede Fau, i fröiemi uf dä Usgang vor WM 2006, und fröie mir üs doch uf d EM 2008! :-) (Was i no wott sägä: I HA FERIE, JUPIDEI! Ud am Zischtig gani id Ferie, mit em Andeliii, so kuul!)

 

Was lehrt me us dere Sach? Nume die guete chöme witer...öb iz mit Glück oder ohni, aui chame ja so oder so nie zfride steue odeeer :-)

 

 

 

4. Juli 2006

HALLLOOOO!! Maaaan, bi iiig ufgregt gsi hüt heee! Hüt isch uscho, öbmer d Prüefige beschtagä hei oder nid, hehe. I ha ja scho fasch miteme Brief grächnet (d.h., i hätt nid bestange gha) da es paar Sache id Hose si...aber heeee, sogar IIIIG schaffe d LAP! So kuul, i fröiä mi mega! Mir isch sone rise, fette, schwäre Stei vom Härzä gheit....das gloubet dir gar nid :-) Jupiiiii :-) (Sogar es 4.8 hani...pooooaaaaaaaahhhhh *smile*)

 

Was lehrt me us dere Sach? NID IMMER GRAD SO SCHWARZ GSEEEEH, es isch nid immer aus so NEGATIV wime dänkt :-)

 

 

 

19. Juni 2006

Huhu Mätels und Giiiiele :-P Heiiiiiiiiiiiiiiiiii, ds Greenfield isch leiiiiider düre, aber es isch aaaaarschgeil gsiiii!!!!! Geschter simer aber glich scho am Nami mau hei, isch eh nüm guets gloffe am Suntig...aber am Fritig simer ga "In Extremo" und "Apocalyptica" gugge.....und mir si o rächt zwäg gsi *BIG SMILE* immer dä Aukohou haut hehehe :-) Am Samschti simer när am Abe ga "Placebo", "The Sisters of Mercy", "Live"...und natürlech "DEPECHE MODE" ga luegeeeee...heiiiii mann isch das geil gsi, vor auem d Show vo Depeche Mode, Phuuuuuuuu...leider hani mi o gad vercheutet wöus üs chli verschiffet het bide Konzärts und so :-) aber scheiss drauf :-) ha hüt sogar gschaffet, todmüed und chrank...tjaaaa, me cha nid aus ha :-)

 

was lehrt me us dere Sach? Weniger Aukohou trinke weme a Konzärt geit uuuuuuuund nachem Festival o gad frei näh.....wöu schaffe bringts eeeeeeeh nid :-D

 

 

 

 

 

 

 

16. Juni 2006

Huiuiuiiii, ha ja scho ewig nüm gschribe :-D Tjaaaaaaa! Ahhh was bini froh, hüt hani mini zwöi aueriletschte Prüefige gha, iz hani aus düre :-) so kuul, nie meh leeeehre, und numeno z Läbe gniiiiiesse :-D hm, ha grad nid Zit, aus usfüehrlech z brichtä, muess gad wiiters, ga packe für a ds GREENFIELD :-) und de 13.01 ufe Zug seckle...immer dä Stress :-P neeee, i fröiemi meeeeeegaaaaa, gäu andeli hihihihi :-)

 

Was lehrt me us dere Sach? Aues het mau es Ändi, o d Prüefige, ke Angst ha auso :-)))!!!

 

 

 

 

 

12. Mai 2006

Uuuuuh...hüt hani doch mini erschti LAP-Prüefig gha..und zwar ds Verchoufsgspräch :-S huiuiii, i hoffe, dases guet gange isch...i bi fasch düredräiht vor dr Prüefig...bi ganz nervös gsi u ha nid mau me richtig chönne schaffe :-) nun ja...mi Chef het emu fang gmeint, es sigi guet gsi...i hoffe iz eifach, d Experte hei das o so gseh :-D hmhm, iz hani emu fangs öpis düre...ds nächste chunt de scho ire Wuche...denn hani de Warechund :-( no schlimmer! Eh ja, i wirdes überläbe, nid wahr :-)

Was lehrt me us dere Sach: Vorere Prüefig eeeeventuell weme gang fescht Angst het es Beruhigsteeli trinke oder süsch öpis näh (ke Droge :-D)...hiuft vilech de chli!

 

 

28. Apriu 2006

Shalalalaaaalaaaa *singsing* hallo liebe schöne Welt :D  jaaaaa, hüt hani mini Depro-Phase chönne überwinde :) und dasmau nid mit Schoggi, neeeeeeeiiii, sondeeeeern: i ha d Steu übercho für nach dr Lehr! So kuuuuuul, hüt Abe stosse mer de no a uf das :) wenigstens öpis Positivs i mim Läbe :) ja u meh mani iz o grad nüm schribe...dr Champagner wartet uf mi *hihi*

Was lehrt me us dere Sach? Uf aus Negative chunt o mau öpis Positivs :):)

 

 

 

27. Apriu 2006

Hallo halloooo...leider bini hüt "chli" depro...ha d Outoprüefig nid bestange :( mann mann...i hanes Schoggi-frust-ässe müesse machä dasi wider einigermasse normau ha chönne si :) (hmmm, bini überhoupt mau normau druf? neeeeee *smile) na jaaaa...mis Mami hetmer es Tröschterli heibracht :) wenigstens öpis womi tröschtet ussert Schoggi :)

 

Was lehrt me us dere Sach? Hocket nie meh ines Outo :) nei ke Seich...na ja...bhautet geng e gnue grosse Vorrat a Schoggi deheim parat :) bruche düeterne sowiso früecher oder speter mau :)

 

      

 

 

26. Apriu 2006
Dumdidum...ja hüt hani grad MÜESSE e Biitrag schribe :( I HASSE LEHRER! Jaaa! Ganz sicher! Mann, hüt hani mi Ufsatz zrügg übercho, und ha NUME ES 4.6 gha! Bis iz hani no niiiie ungeremne 5.3 gha imne Ufsatz! Halloooo...es sig e eimalige Usrütscher...ja ganz klar! Mann...di söu nid so offesichtlech ihri Lieblingsgööfi ir Klass bevorzuge :-) tstssss :O
Und no die gueti Nachricht hüt....Ig ga az Greenfield Festival! Voll geilo! :-) Hei hüt dr Plan übercho mit de Prüefigsdate und so, und i cha am Fritig am Mittag tschüss säge und ab uf Interlake...so kuul :-) Iz muesis de numeno am Andeli mitteile :-)

Was lehrt me us dere Sach? Schliimetnech geng bide Lehrer i, de heiter o gueti Note...nie motze und fründläch si...de überläbeter die Schueuzit sehr guet :-) aber zum Glück chum ig ja im Summer us dr Lehr, so kuul :-) und zu jedem schlächte gits ono öpis guets :-) (da müesster iz nid drus cho *smile*)

 

 

 

25. Apriu 2006
Hüt isch wider mau Schueu agseit gsi....[ironie on] *juhuiiiii* [ironie off]. Da d Madam Sabine hüt fasch verschlafe het, hets doch no glängt für pünktlech id Schueu z cho...leider! Ja dr Morge isch no gmüetlech gsi...ussert uf mis 3.9 i Buechhautig woni wider mau gschafft ha :-(. Tja, chas gits :-) und när het üs dr Lehrer, dr Herr Meer, d "Hiobsbotschaft" mitteilt, das mir am nami FREI HEI! Voll geilo! (Auso, d Umständ natürlech nid, är het ane Beärdigung müesse... :-D) und so isch mi Tag grettet worde....bis mer i Sinnisch cho dasi am Nami no darf ga Outofahre mit em Fahrlehrer...Am Donschti hani Prüefig...huiuiuiiiii....mau luege wis chunt :-O

Was lehrt me us dere Sach? Meh lehre für d Schueu, de gits o kes 3.9 :-) und göht jaaaa nid no ga schaffe weder scho mau e Nami frei heit :-D "ich bi doch nid blöd" :-)

 

 

22. Apriu 2006

Soooo...hüt heimers mau wöue düregäh am Abe und si uf Luzärn i Usgang...Mir hei üs gfröit gha ufne suuuper Party. Und dr Monsieur Aris isch sogar gfahre...vou isi :-) So simer dert zum Casino Luzern. När heimer parkiert und si da mau dür das Ding girrt...ja es isch no gross gsi :-) und hei du när e Garderobe gfunge womer üses Züg hei abgäh. När simer ga astah...und wöu mir schlaue ching scho bilets gha hei, heimer näb aune Wartende näbedüre chönne loufe u grad diräkt is Casineum. Bis dr Türsteher zum Monsieur Aris gseit het, er müess si Huet abzieh...süsch dörfer nid ine :-) tja...da isch eine beleidiget gsi :-D und natürlech sicher när fürne haub Stung uf ds Wc verschwunde für sini "Frisur" ds machä! Tja...die het leider nid so superbe usgeh :-D aber zum Glück heter ja no froue debi gha wone de gstylet hei *stolz sind* *muahahaha*...dr Abe isch no luschtig gsi, und wo ig am habi sächsi bi deheim gsi isch mis Mami grad ga schaffe...*hühühüüü*

Was lehrt me us dere Sach? Mannä...ke Huet alege für i Usgang...ussert es sig sones Burefeschtli (siehe unten). Und wenn doch...d Haar glich chli schön zwäg mache nid wahr? Süsch wirds de pinlech :-) Und ig ha o öpis glehrt: Nie mehr "Long Island Iced Tea" trinke :-) i vertrages eifach nid sooooooo guet :-D

 

 

19. Apriu 2006

Huhuhuuuuuuu, ich hab heute Gebuuuuurtstagggg liebe Kinderchen :-) Na ja, eigentlech isches deprimierend...iz hani doch scho ds 2 am Rüggä...hmhm, ig ha o schöni SMS becho (Chrigä & Daniela) womer gschribe hei ig sig e aute Sack...tja...söus gäh :-)
Am Morge hani mis Gschänkli vo mine Eutere becho: e kuulä "Relax-Stueuh" für i mis Zimmer...vou iiisi :) und natürlech hani viu Chärtli übercho, Gäud, Schoggi & Blueme...und am Abe simer no fein im "Stella del Lago" ga Pizzä ässe...mit Sunneuntergang am Thunersee...so schön :-) und när hani no es Gschänkli vom Sisterheart Gaby übercho: ds Buech "Sakrileg" und no so chlini Sächeli dezue, vou kuul :-) Und wöui Geburi ha gha hani nid ad Sitzig müesse am Abe...*freu* das isch natürlech o es Gschänk :-D

Was lehrt me us dere Sach? AUI WÄRDE MAU AUT :-D

 

 

 


15. Apriu 2006
Samschtig isch immer e Tag, wome sis Gedächtnis wenigstens einisch ir Wuche asträngt...nämlech zum Überlege, wo dasme am Ab i Usgang wott. Und das isch üs das Wuchenänd seeehr liecht gfaue: ds Uetedorf isch Bar &  Pub gsi. So hei mir am Abe üsi Velo gschnappet, si am Abe uf Uetedorf geradelt (düre Rägä!!!) und no mit de Kollege zersch eis ga antrinken :-) när speter wo üsi Chleider wider chli troche si gsi, heimer üs ufe Wäg iz TUS-Sportzentrum gmacht...Natürlech hetsmi grad agschisse, woni gläse ha, dases ab 16ni isch...schliesslech wird ig iz de20i und i däm Auter mani mi doch nid mit settnige abgäh ;-).
Tja, leider isch die Party nach mire Meinig seeeehr "buurig" gsi...nid mau Aukohou het gnützt zum das ds ertrage. D Tänzer si schlimm gsi, aus nume so minderjähregi Buremädels wo meine wi schön das si si im Mäuchschürzli und "kuuli" Gingstas...
Ja...am zwöi simer emu scho ume hei :-) het grendiert, fingeter nid o? :-)

Was lehrt me us dere Sach? Nie meh Bar & Pub Uetedorf ga bsueche, meh Aukohou trinke zums wes wider mau glich sött vorcho dasmes gar nüm mitbechunt :-D oder gschider deheim blibä :-)

 

 

13. Apriu 2006
Wi öppe aui wüsse, isch das dr Donschti vor Oschtere gsi :-). Und da ja aui am Fritig frei hei, hei mir i Usgang wöue...hmhmmm, da ds Thun nid würklech viiiu louft heisi die super Idee vom Orvis gha...na ja, da ig NO nid 20i bi, heisi gseit, i söus doch glich probiere. Auso simer häre...und zerschte wo dr Türsteher seit zu mim Begleiter: "Erschtens: Du hesch dr Hoselade off...Zwöitens: Uswiise bitte!" *hüstel* okeeee!
Ig: (nime dr Uswiis füre, gibene däm Typ und säge mit mim charmanteste Lächle [ja o ig cha charmant si :)]: "Mh, ig wirde leider ersch nächste Mitwuch 20i!
Türsteher: *Zwinker zwinker* "I wünsche öich ä schöne Ufenthaut im Orvis" *Zwinker zwinker*

Was lehrt me us dere Sach? Mannä, immer schön ds Hoselade zuelah...und jaaaaaaaa...das zeigt wider maaaau, dases Froue haut viiiiu liechter hei aus Mannä :-D tja...ds Läbä isch scho kes Güezi he :)

                                               

Posted: 12:08, 26 April 2006
Comments (0) | Add Comment | Link