Australia

aendlech, erschti idrueck vo byron bay....

Posted on 26 September 2006 at 2:56

hey everybody!

so aendlech hani zit zum ae itrag machae.... aes git da so viu noeis z gseh, dasmae gar nid zu auem chunt.... ig bi abr guet hiae acho, zwar chli mued nach 32h reisae(!), abr happy! dr flug isch am afang no ungerhautsam gsi, nid uebertribae, meh aus dr haub flueger si jungi gsi, wo o z oustraliae odr  z neuseeland ae sprachufenthaut machae!

bi iz hiae scho sit eirae wuchae u fuelemi scho fasch chli wi daheim, isch aus so cool! byron bay isch ae unae haerzigi stadt, het ueberau so chlini surferhuesli, viu paumae u natuerlech dr strand uds meer grad vor dr hustuer! we dir wuesstet wi schoen da ds meer isch... dir waeret grad iversuechtig! scho am erschtae sunntig bini zerscht mau am strand gsi for a BarBQ, bi so beidruckt gsi, di farbae vom meer....dr hammer! abr di waeuae si no cheibae starch, nid immer zum gspassae, abr perfekt zum surfae! hei vorgester im usgang ae oustralischae surferboy kennae glert, wonis de gratis ungerricht git, hihi cool, isn`t it!!

ir schu, mir hets fasch eis gae, si vo 24 noeiae 20(!!) schwizer, das schisst chli a, abr isch maengisch ono gaebig, de chamesech widr mau richtig usdreuckae... u hei iz abr o agfangae unger dae schwizer maengisch aenglisch z redae! isch zersch wi im theater gsi, mitlerwilae abr scho normau!

iz abr achtung, waer scho fasch widr umkehrt u widr hei cho! am maentig, am erschtae schutag hani uf zitig gluegt u wuesster was fuer nae risae schlagzilae!? HORROR SNAKE SUMMER! waeeeeee, isch ja super.... mini fruendae choemae mi cho begruessae u mitlerwilae hei mr o scho ae hai gseh u d voegu si o raecht agriffsluschtig... weis nid wini das ueberlaebae....

mini zit louft iz de grad ab im internet kafi, abr das naechste mal: Ausgang und Velofahren in Byron Bay....

bis ganz gli! see ya

 

 

Scho gli, gli...

Posted on 5 September 2006 at 4:52

...ischs so wit u ig flügä ab ads angerä Ändi vor Wäut... No einä haub Wuchä u de faht dr Summer für mi ersch so richtig a!! Ig wirdä z Byron Bay 3 Mönet mis Änglisch vrbesserä u eifach di Zit dert ganz fescht gniessä u luegä wisechs so läbt in "Down Under"...


Friends