Nathan go's Down Under

Am andere aendi vo de Welt

Ich binn jetzt scho en monat in sydney und gange aendi wuche, mit em bus richtig ost kueschte. Es isch hammer da, und ich gnuesses sehr, bin aber froh das ich chan go travle.

Hann e super klass gha, und d lehreri het de stoff sehr humorvoll ueberebracht. Mir sind au nur 3 schwietzer i de klass gsie. Bin gliech zu offt mit schwiezer zaeme und zum english lerne isch das sicher noed s bescht, aber da ich alei gang go reise, wird sich das sicher bald aendere.

Die meischte luet da sind sehr offe und fruendlich, me lernt jede tag oeper nois kenne, und es isch sehr spannend wie sich all die verschiedene kulture und religione blendend verstoend. Im endeffekt simmer alles mensche.

In Sydney isch jede abig wuchenend, mer choenti jede abig noimets ane wo d poscht ab gaht, d partys sind aber recht anderscht als bi ois, mer gaht au scho viel fruener in usgang und di einte clubs mached scho am 3am zue. Userdem wird au vill meh trunke und es het meh schoeni fraue als i de schwietz. D music isch au recht anderscht, wenn imene club hip hop lauft, den isches meischtens sehr komerze sound, s glieche isch au a Techno sprich Elektro Partys. Bi ois hemmer en hoecher standart was de sound ahbelangt. Es tanzed au noed so vill.

D straend in Sydney sind de hammer, leider aber meischtend recht gfuellt. S wasser isch jede tag anderscht, mal grossi welle, mal chliene welle, mal isch es recht chalt, mal waermer. letsch wuche hemmer sogar mal e wasser temperatur vo 16grad gha. Das het mich aber noed gross g stoert, ich bin gliech go bade. Es isch meischtens au recht windig, was am tag sehr schoen isch. Am abig und znacht wirds aber durch de wind recht chuel und ich leg den meischtens en pulli ah.

En gruess ah alli wo i de chalte schwietz sitzed, ich denke offt ah oi.

Endlich isch es sowiet!

Han endlich mal ziet gfunde zum mal es bits a mim blog z schaffe. hoffe ihr hend fill spass bim aluege vo de bilder.