..around the world..

nostalgic....

Lake Matheson New Zealand

12 Apostels Australia

SYDNEY

Fotos

..I'm trying hard..

I bi.../Je suis.../I am...

däheim.../à la maison.../at home...

muess mau zerscht dr Rythmus wieder finge und mi chli a Gedanke gwöhne, dass d Freiheit verbii isch...z aute Läbe geit wiiter..
tue de mi Blog no aktualisiere!!!

North Island

Dr letscht Tag isch abroche... i fluege heut Abe nach Los Angeles und freue mi so sehr mis Schwoeschter Herz wieder z gse..!!!!
Naebscht dr Vorfreud chanis chuum gloube, dass mini Down Under Zyt verbii isch.. dr letscht Monet isch rasend schnaeu vergange.
Vo Wellington bini uf Taupo gange.. u dert hani grosses vor gha: SKY DIVING! I hami de fuer e Nami igschribe.. das het aber leider ufe Morge meusse verschobe waerde woeus z fescht gwindet het.. Hami de scho sehr ufe morge gfreut! I bi am 10ni abghout worde.. u nach eire Minute im Bus chunnt dr Fahrer d Maeudig ueber, dass dr Wind z starch worde isch und dass wieder aues muess verschobe waerde. Das mau ufe naechscht Morge am 6i!!! Wo am Morge dr Wecker luetet hani mr irgendwie gwuenscht no choenne wiiter z schlafe.. aber i hami natuerlech o seehr uf z Sky dive gfreut.. da luegi us em Fenschter.. und es schiffet us stroeme.. drmit waers de das gsi.. i ha a dem Tag naemlech meusse wiiter reise.. I hami 2 Wuche druf gfreut go z Sky dive.. Es het nur ei Vorteil, dass es nid klappet het.. i ha ziemlech viu Geld choenne spare.. aber isch scho sehr schaad... :(
Z Rotorua bini go die heisse Quelle aluege, es stinkt ziemlech nach fuule Eier. Mir si de ane Maori Kultur Show gange, dert hei sie ues nid nur Kampfritual zeigt sondern o no es chlyses Konzert gae. Es isch sehr idruecklech gsi. Zum Abschluss hets de es Nachtaesse gae.

I has jetzt 3 Moentet gschafft aui no so schmuddelige Hostels heil z ueberstah.. u im 2. letschte hets de leider irgendwelchi unbetitlete Vicher gha wo mer z Laebe schwer mache. Es bisst mi vo Chopf bis Fuess.. ir Nacht chani chuum no schlafe, wache anduurend uf woeu muess chraze.. Ha zerscht daenkt es sig Insekte Stiche.. Doch meuss fasch sage "leider" isch es so oepos wine Bettchaefer.. Es isch soooo unagnehm.. I ha mau d Stiche afa zeue u bi uf 45 cho, wobii das nur dr Afang isch.. I muess die ungoublech laeschtige unsichtbare Monschter kille, leider chani da niene heiss waesche.. wett sie eigentlech nid wiiter transportiere faus no irgendwelchi i mine Chleider si, wasi LEIDER fascht muess anaeh, das jedi Nacht wieder nei Stiche git... @#%*&^!!!!!!!!! GRRR!

Jetzt machi no z beschte us dem Nami.. und so am 7ni gani de mau ufe Flughafe..

New Zealand (South Island)

I bi am 11. Feb. z Christchurch acho und hamer chli d Stadt agluet. Es isch ziemlech chaut und raegnerisch gsi, so bini haut iz Museeum, aber das het mi nid grad umghoue. Vo Christchurch bini am erschte Tag vo mire Reis (14.Feb.) uf Kaikoura, dert hani ussert emne chlyne Spaziergang nid viu gmacht. Am naechschte Tag ischs de uf Nelson gange. I bi de am uebernaechschte Tag i Abel Tasman National Park gone chlini Wanderig vo ca. 4 Stund mache. Aes isch iiiischchaut gsi a dem Tag, i ha am morge am 7ni richtig bibberet im Jaeggli&Jagge. De hei mer muesse ufnes Wasser Taxi und fuer das hei mer chly muesse duer z Wasser waate... und ufem Boot hets de extrem zoge.. brrrr hoch 3! Bim Ueberquere vomene Baechli hani z glichgwicht verlore und -platsch, die ganze Hose nass ;)
Am naechschte Tag isch es uf Westport gange, dert hets zwar ae Strand gha, aber er isch chly wiit waeg gsi und es isch eh z chaut gsi zum bade, drum hei mer dert gar nued gmacht. Mir si de go Pizza aesse (Suleika, Yuko, Misa& I). Mir si uf dr Reis bis uf Queenstown immer chli zaeme ungerwegs gsi. Dr Abe hei mer vorem TV verbracht (Pearl Harbor). Z Lake Mahinapua si mer am Abe a See gloufe u hei drbi im Waud Gluehwuermli gse!
Am Naechschte Tag si mer am Franz Josef Gletscher acho, wo mer de ae ganze Tag verbrunge hei. I bi ufne Gletschter Wanderig gange, nachdem i mit aune noetige Utensilie usgrueschtet bi worde. Das isch ae super schoene Tag gsi. Denn ischs wiiter uf Wanaka, aes sehr schoens Dorf (die nenne da zwar auses Stadt). z Waetter isch super gsi, perfekt fuer i See go z schwuemme.
Am fougende Tag si mer de z Queenstown acho. Dert hani o ei Tag verbracht; i bi mit dr Misa u Suleika mit dr Gondubahn ufe Berg ufe u mir hei d Ussicht gnoesse. Zum Znacht si mer zum Fergburger go ae riiiese Burger aesse.. mhh!
Denn bini wiiter uf Dunedin, dr Namittag hei d Misa und i im Rase vor dr Chiuche ir Sunne verbracht. Am naechschte Tag si mer uf Invercargill gange, die suedlechschti Stadt vo NZ. Es isch extrem winding und chaut gsi (dr Suedpol isch ja o nur no guet 4'000 km entfernt). Denn si mer uf Te Anau gange und vo dert us de am naechschte Tag mit em Schiff duere Milford Sound (fjord), leider isch z Waetter sehr trueb gsi u mir hei die suescht wunderschoeni Ussicht id Berge nid choenne gniesse.
Wieder zruegg in Queenstown si d Misa und i wieder gone Burger aesse und am naeschte Tag de uf Christchurch zruegg. Mir hei de dert d Suleika wieder atroffe u si de aui zaeme go Znacht aesse.
Am nachschte Tag bini de wieder uf Kaikoura greist. Z Higlight vo mine Erlaebnis het sich ar Kueschte vo Kaikoura ereignet: Es isch ae wunderschoene Tag gsi, und i hami mit Neoprenazug, Flosse und Toucherbroeue usgrueschtet. De si mer mitemne Boot ca.  15-20 min usegfahre. Vom Schiff us hei mer 100i vo Delphine gse.. i has chuum choenne erwarte, bisi aendlech iz Wasser ha choenne...!! Z Schwuemme mit dae Delphine isch wunderschoen gsi, i ha aecht gstuunet wie noech sie si zu ues haere cho.. und vorauem o woeus soooo viu het gha wo umegschwumme si! AWESOME :)
Am naechschte Tag si mer de uf Picton gfahre u vo dert us mit dr Ferry i chly meh aus 3 Stund uf Wellington gfahre. Z Waetter isch leider furchtbar gsi, mer hei usser grau gar nued gse.. und z Wellington hets de eextrem fescht graegnet..und am naechschte Tag no viiu eeextremer gwindet!

Fotos: ---> http://www.facebook.com/album.php?aid=32604&l=751cb&id=548175808

111

waaaas.. scho nur no 1 monet..1wuche..und 1tag.... ?!!

Fotos

Mini Fotos si online uf Facebook:

• Brisbane - Surfers - Byron - Fraser Island: http://www.facebook.com/album.php?aid=26054&l=1eb0e&id=548175808
  
• Silvester Sydney: http://www.facebook.com/album.php?aid=26386&l=0b2e7&id=548175808
  
• Kangaroo Island - Adelaide - Outback: http://www.facebook.com/album.php?aid=28869&l=f1b0c&id=548175808
  
• Canberra - Melbourne - Gt Ocean Road: http://www.facebook.com/album.php?aid=27758&l=a0b46&id=548175808
  
• Perth&West Coast Tour: http://www.facebook.com/album.php?aid=30473&l=90f36&id=548175808

Christchurch

Mi erscht Idruck vo Christchurch isch uesserscht positiv, es isch ae sehr haerzegi Stadt. Ha 2 ganzi Taeg zum d Stadt erkunde und de gani de mit em Bus uf Kaikoura. Leider isch z Waetter nid sehr toll, es raegnet und d Temperatur isch im Verglich zu Perth o ca. 20 Grad cheuter. Huet bini iz Museum gange, blibt nid so viu angers uebrig.

Ab sofort tueni SMS wieder uf mire Schwiizer Nr. empfah, ds AUS Nr. funktioniert da nid.

Dr Trip vo Perth uf Exmouth het mer sehr guet gfaue, d Straend und d Landschafte si wunderschoen.

Am Erschte Tag si mer ufne Farm mit aune moegleche Viecher (wo mer hei choenne fuettere) gange und dert hei mer o choenne Schlange alaenge und ume Haus haenge :) Denn si mer zu dae  Pinnacle gange, das si Steine wo senkrecht us em Sand useluege, teu nur paar cm hoech, abgeri bis zu 4m hoech. Mir si de zum Pink Lake gange, ae Salz-See wo tatsaechlech pink erschiint waeg dae bakterie wos drin het. Dr Sunneuntergang hei mer z Kalbarri gnosse.
Mir si de frueh ufbroche, damit mer bi Sunneufgang bim Feuse mit em Loch gsi si! De hei mer ae wunderschoeni Wanderig em Murchison Fluss nache gmacht, oder besser gseit uf dae Feuse wo dr Fluss umhuelle.
D Nacht hei mer z Monkey Mia verbracht wo mer de am naechschte Morge hei choenne bi dr Delphin Fuetterig drbi si. Mit chly Glueck het mer emne Delphin choenne ae Fisch gae.. i leider nid. Die choemme jede Morge zur Fuetterig ine, und d Rangers kenne die o aui bim Name. Leider hei mer sie nid doerfe alaenge, aber o z luege isch sehr schoen gsi!!!
In Coral Bay hei mer choenne iz Nogaloo Reef go schnorchle. Mir si fuer das mitemne Schiff mit Glasbode chli iz Meer usegfahre. Ir nechi vo Denham hei mer im Ocean Park choenne bir Hai Fuetterig zueluege!
Bir Rueckfahrt hei mer de no ae Abstaecher iz Usland gmacht - id Hutt River Provinz, wo mer de d Ehr hei gha dr Prinz z traeffe! Mir hei natuerlech uese Pass muesse mitnaeh fuer z Visa.. und es isch aecht ke Witz (has o nid gloubt ha vorher) dae het ues de ae Stempl i Pass gmacht. Das isch tatsaechlech ae unabhaengegi Provinz vo dem Prinz Leonard gruended, woeu aer ke Stuere fuer Australie meh het woeue zahle!

Goodbye Australia

I ha mini letschte Taeg z Sydney verbracht.. und morn am Morge geits de los fuer uf Christchurch. I freue mi SEHR uf Neuseeland, bi aber glichzitig o chly truurig, dass z Australie-Kapitu verbi isch. I has eifach wunderschoen gfunge!

Tue de vo CC us ueber mini letschti Tour schribe.

Perth

Here I am..  And there's quite a lot to keep up with..

Melbourne

Mis Hostel isch z St. Kilda gsi, es Quartier am Meer, u so hani o 2 Taeg am Meer verbracht u bi nur 2 Mau mit em Tram id Stadt. Z Waetter isch super gsi, fuere Strand grad so perfekt. Ei Abe bim Spaziere am Meer hani de o dr 1. Promi gse z Australie.. isch aber sone Australian Idol Heini gsi ;) Haette sich die chline Meitli nid so uffaellig benoh, haetti ihn aeuae gar nid bemerkt.
Ir Stadt bini naebscht em Ussichtsturm, em Botanische Garte und em Fluss chli a chaute Plaetz nache, u die hani i Museums gfunde.

Great Ocean Road
Uf dere 3 Taegige Tour si mer ar Kueschte nah uf Adelaide gfahre und hei drbi wunderschoeni Landschafte choenne bestuune. Es het sehr gfaegt wieder mau Luet kenne z lehre. Mir si de z Adelaide o aui zaeme ine Bar, u hei ues de no Pizza lah cho zum Znacht.

Adelaide
Am erschte Tag bini chli er Ichoufsstrass nache glofe u hami de knapp 2 Stung imne Buechlade choenne verwiile, waers dert in nid so chaut gsi, haettis no paar Stund usghaute. Bi zerscht mau ae Ewigkeit i Reisefuehrer go laese unger angerem im Lonely Planet vor Schwiiz. Waer gloub no ae schoeni Destination, i ha drum mini Reiseplaen gaendert und ga Aendi Maerz no ir Schwiiz go umereise!!! ;) hehe
Bi de o nid mit laere Haende us em Lade, ha mer The Da Vinci Code kouft.
Denn bini uf Kangaroo Island und woni wieder bi zruegg gsi hani dr Namittag am Strand verbracht.

Kangaroo Island
Das mau hei mer ae chlinere Bus gha, und woni ir Jugi abghout bi worde si de o scho 3 drin ghocket woni vor Great Ocean Road scho kennt ha. Es isch de no eini meh drzuecho, auso hani scho mau 4 Luet kennt.
Uebernachtet hei mer vorusse, im "Swag". Es isch ziemlech chaut gsi, aber da i ja ae guete Tipp uebercho ha, bini o chli mit warme Chleider usgrueschtet gsi. Dass mer aber am Abe mit Pulli u Decki vorusse hocke hani mer de scho nid grad choenne vorsteue. I bi ja schliesslech z Australie?! :) Es isch absolut atemberoubend gsi dr Staernehimmu azluege, i hami so gluecklech gfueeut i dem Moment. Leider ischs ir Nacht cho raegne, de hei mer muesse unger ds Dach zuegle. Am 2. Abe si mer z Wildlife ir Nacht go aluege, ufem Waeg zur Kueschte hei mer oepe 4478 Kangaroos und 987 Wallabies gse!! (Mir si mit em Bus gange und hei sae drum im Schiinwaerferliecht guet gse). Mir hei ues de uf Pinguin Suechi gmacht und schlussaendlech spaerlechi 3 entdeckt. O die 2. Nacht hani wieder unger dae Staerne verbracht. Am 3. Tag hei mer de choenne schnorchle, nur hets a dem Flaeck absolut nued spannends z entdecke gae.

Adelaide - Alice Springs
Wieder ae Tour, und wieder hani 3 Luet kennt. Mir hei die erscht Nacht z Coober Pedy verbracht, imne Hostel wo sich im Feuse befindet. I dere Stadt mitte im Nichts laebe 80% vo dae Iwohner unger dr "Erde", ausi i Hoeline, aber nid uf primitivi Art und Wiis sondern sehr zivilisiert, i vollkomme haerkoemmlech igrichtete Wohnige. Eifach ohni Fenschter u mit Feusewaend. Die "Stadt" isch beruehmt fuer d Opal gwinnig, und mir hei de o choenne i Bode abe go luege wie sone Bohrsteu usgset.
Mir si aui zaeme go Pizza aesse u de no schnaeu ire Bar verbi ghuepft.
Uf dere 2 Tage Tour simer gloub um die 1500 km gfahre, und das antlang vo Sand, Buesch, Sand, Buesch und Sand. DIe einzig Abwaechslig het ae Sauzsee bote, dae isch aber volkomme ustrocknet gsi, nur no z Aauz isch am Bode uebrig blibe.

Outback
Am 6.15 bini vom Hostel abghout worde, u de so am 7ni simer iz Outback use gstoche. Ume Mittag si mer de bim very famous Uluru (Ayers Rock) acho u hei mau die erschti Ladig Fotos gschosse. Am Nami si mer de ufne chlini Wanderig und de i ueses Camp im Uluru National Park. Vor Sunneuntergang si mer de losgfahe zum dr Rock im Abeliecht z gse.
Uebernachtet hei mer wieder im 100 Billiarde Staerne Hotel.. und si de am 4i ufgstande zum dr Sunneufgang am Uluru z gse. Bir agnaehme Morgetemperatur hei mer de choenne ufe Uluru ufe loufe oder rumum, und i hami de fuer z Rundum loufe entschiede. Das si ca. 9km, und het chli meh aus 1.5h brucht. Zum GLueck hani es Floeigenetz gha, so hani die Viecher nid anduurend muesse us mim Gsicht verschueche. Es gset zwar chli Bank-Ueberfau maessig us aber i HASSE die Floeige ir Nase und i dae Ohre. Und im Outback us isch das eh raecht trendy!!
Die zweit Nacht hei mer ir Nechi vo Kings Canyon verbracht, aes liechts Gebirge wo mer de am naechschte Morge 3 Stung si go wandere. Mir si umgae gsi vo Dingos, u ir Nacht bini de o ufgwacht waeg dene, weu sie Laerm gmacht hei bir Suechi nach Diebesguet. Das hei sie de o gfunge, sie hei irgend es Chleidigsstueck ab emne Busch grisse. I ha sae versuecht z verschueche, ha aber chli z fescht Angscht ha zum ufzstah. Mir hei de o dene ihres Huele ghoert, aui zaeme, vo jedere Siite!! Fuer d Wanderig hei mer muesse 3 Liter Wasser mitschleppe, 1 Liter Wasser pro Stund isch s Pflicht bi dere Hitz!
Da mer scho am 6i agfange hei mit Wandere si mer de am 10ni wieder bim Camp gsi und hei dert choenne ae sehr erfrueschende Schwumm im Pool naeh. WONDERFUL.. I choennt kes Wueschtetier si, die Temperatur bringt eim fascht um! Nach 3 Taeg bini mers aber de scho chli gwohnet gsi bi 40 Grad. Zruegg in Alice si mer de go Znacht aesse.
I ha de no ei Tag z Alice verbracht, isch aber VIU z heiss gsi zum duss oepis mache, so hani mi iz Zimmer zruegg zoge u ha mau wieder Tagebuech nache gfuehrt.
Geschter bini de uf Perth gfloge, a Board 2 woni uf Toure scho gse ha.
I hami de im neue Hostel iquartiert... es het mi aber leider scho vo Afang a nid so choenne ueberzuege wie d YHA's und z Base, beides sehr moderni und suberi Hostels. Leider isch es hie ziemlech drackig, und das hassi so sehr. Es cha autmodisch oder chly si, aber draeckig isch eifach haesslech. Zu auem haere isch das no das Hostel woni am auerlengschte blibe, fuer 9 Naecht. I cha leider i kes angers Hostel, da mer die z Gaeud nid wuerde rueckerstatte. Tja, machi haut z beschte drus. NO WORRIES wies da z Australie so schoen heisst.

I vermisses chli uf Toure z si, dert hets mit dae Luet immer gfaegt.. dert lat sich am eifachschte Kontakt chnuepfe. Ire Wuche gani de uf mini letscht Australie Tour uf Exmouth.

Alice Springs

I bi z Alice und es isch heiss wi imne Bachofe.. I chlaebe a dem Stueu fescht u sehne mi nach em Pool.. drum gibi o nur mau churz es Laebeszeiche. Morn fluegi uf Perth und dert verbringi de ei Wuche und das soett de scho mau laenge fuerne usfuehrleche Itrag und fuer neui Fotos!!!

Reiseplaen Australie

Mini Reiseplaen

2. Januar Canberra	3 Canberra	4 Melbourne	5 Melbourne	6 Melbourne	7 Melbourne	8 Great Ocean Road (Melbourne - Adelaide)	9
10 (Abend) Adelaide	11 Adelaide	12 Kangaroo Island	13 Kangaroo Island	14Kangaroo Island (Abend) Adelaide	15 Adelaide	16 Adelaide - Alice Springs	17 Adelaide - Alice Springs
18 Outback Trip (Uluru...)	19 Outback Trip	20 Outback Trip	21 Alice Springs	22 Flight to Perth	23 Perth	24 Perth	25 Perth
26 Perth	27 Perth	28 Perth	29 Perth	30 Perth - Exmouth Tour (7 Days)	31	1. Februar	2
3	4	5 Back in Perth	6 Flight to Sydney	7 Sydney	8 Sydney	9 Sydney	10 Sydney
11 Flight to Christchurch NEW ZEALAND

Canberra

HAPPY NEW YEAR EVERYBODY!

I bi am 30. Dezember wieder z Sydney acho und es isch chly wines hei cho gsi (aber scho nume chli). De hani mi im Chuengustau iquartiert.. (ca. 4qm - ohni Fenschter).
Am 31.Dezember bini no mini Reis go zahle und d Infos go abhole iz Reisebuero, de bini am 3 mit dr Ferry zum Milson's Point gfahre woni d Sabine wieder troffe ha. Sie hei scho sit em Mittag ir bruetende Hitz ae guete Platz gsicheret. Aes het sehr viu Luet underwaegs gha ir ganze Stadt, und a de guete Plaetz isch es platsch vou gsi. Am 9ni hets es erschts chlyses Fuerwerk gae und de isch dr Countdown no mau los gange.. bis am 12i und de hei mer ae super Sichet uf d Harbour Bridge gha. Z Fuerwaerk isch ae bome Sach gsi, nid auzu laeng aber die ganzi Bruegg isch involviert gsi und aes het wunderschoen usgse!
Geschter hani Sydney no chli gnosse, aes isch wunderschoens Waetter gsi.
Huet morge bini uf Canberra gfahre, und de bini dr ganz Namittag umeglofe, mit dr Absicht iz Bycicle Museum z ga... und nach meh aus 2km (durschtig und dueregschwitzt) hani de festgsteut dass es nuem am gliche Ort isch. Denn hani ae Flyer uebercho bire Info.. und ha de glaese dass es eh scho zuegmacht haett. So bini haut im McDonalds glandet und ha mer ae chueli Erfrueschig goennt.

back in Brisbane

MERRY XMAS

****M.E.R.R.Y.   X.M.A.S.****

I'm going to Fraser Island now (for 3 days)! :)

Home, sweet home...

Byron Bay

14.12.2007

06.12.2007