..around the world..

14.12.2007

{ 02:48, 14 December 2007 } { Posted in 2_Sydney 2007 } { 1 Kommentare } { Link }
Morn geits los...
Und usgraechnet jetzt hani wieder mau Hausweh :(
Nichtsdestotrotz muessi packe, waesche und ufruume.
Jetzt gani id City und saege no dr Isabelle Bye.
Denn gani no go bueche fuer nach Neujahr.
Alright, ae lengere Itrag fougt de gly mau wieder.
Aber immerhin si x Fotos online! :)
PS: I bi sooo froh muessi nuem lehre :)
PPS: I bi no viu meh froh isch d Riis u Bohne Aerae verbii!!! :)


06.12.2007

{ 07:10, 6 December 2007 } { Posted in 2_Sydney 2007 } { 1 Kommentare } { Link }
Dr Samichlous hani heut niene gse.. dae chunnt da eh erscht a Wiehnachte u heisst eher Wiehnachtsmaa aus Samichlous. I chume mer chly vor wie ufemne Fiumset wo Wiehnacht nur simuliert wird.

Geschter simer ids Billy Elliot Musical und es isch extrem guet gsi. Es het sehr viu kids gha und die choei so fantastisch tanze und haerzig singe.

Am letschte Samschtig bini id Blue Mountains gange. Zerscht simer ine Zoo mit houptsaechlech
Koalas und Kaenguru .. und die gumpe frei im Zueg ume.
Denn si mer i Raegewaud gfahre.. und dae het sim Name aui Ehr gmacht, es het wie us Chueble gschiffet und das fascht non-stop. Mir hei 2 verschiedeni "Spaziergaeng" gmacht, ei Waeg schlimmer aus dr anger, so dassi am Schluss i mine Schue gschumme bi. Mit dr Ziit hanis de nuem so gspuert, da mini Fuess ds Wasser ufgwermt hei und d Socke si praktisch mit minere Huut verschmouze ;)
Es isch trotz dr schlachte (oder besser gseit nicht-existierende) Ussicht idruecklech gsi.

Jetzt blibt genau no 1 Tag Schueu... d "Graduation" hei mer am Mittwuch gha, mir hei es Australie Buech uebercho und Zertifikat (im Fau mer ds Exam nid wuerde bestah, dass mer dae Kurs glich cha uswise, aber das wirdi ja de nid bruche *fingercross*).

I freue mi SO SEHR uf z Reise, i choent nuem lenger da wohne, ds Riis ud Bohne wachse mer scho zu dae Ohre us und aues angere regt mi o viu z fescht uf. Wasi bestimmt wirde vermisse isch d Illaria, das isch eine vo da wenig positive Puenkt i dere Wohnig. I wuerd no ruhiger choenne schlafe wenn 100 Dampflokine a mir wuerde verbizische aus wenn sie am phone, putze oder mit em Bsuech am quatsche isch.
U vo dr Hygiene hie muessi gar nid meh verzeue aus folgendi Story:
Am Samschtig Morge, ca. um die 5i bini schoen friedlech am schlafe gsi.. nume haub zuedeckt mit em Liintuech, da's heiss isch gsi. Mi Arm hani schoen dr laengswaeg usgstreckt gha waehrend dem i siitwaerts glaege bi. Agfange het das komische chrable uf dr Hand-dr Arm uf-am Haus-und denn ueber z gsicht. Da bini SCHLAGARTIG verwachet... ha reflexartig mis Gsicht abgwuescht.. und da fluegt ae KAKERLAKE uf ds Chopfchuesse (mind. 5 cm!!!!) und i sitze i sunnestrahle-Gschwindigkeit uf. I ha gwuesst, i muess oepis ungernaeh woeu i bi no mued gsi und ha woeue wiiter schlafe. So hani mau ufe Matrazerand klopft (da sie ir Zwuescheziit abegrasset isch-mind. 80km/h). Denn chunnt sie wieder ufe mit dem Tempo, i schiesse mis Chuessi uf sie druf, nimme (zur Sicherheit) 2 Nastuechli ufgfautet id Hang, luepfe ds Chuessi uf und packe das ungloublech haessleche Viech! Denn hani sae mit eim riese Eckel (und samt dae Nastuechli) zum Fenschter us gschosse. Denn hani mau muesse um Luft ringe... woni wieder abglaege bi zum wiiterschlafe hani mis Haerz gspuert chlopfe wie nachemne Marathon. I ha mi chuum cheonne gaege die furchtbare Biuder i mim Chopf wehre - aues vou Kakerlake. U bi jedem chlinschte Chraebbele a mir hani mi grad meusse schuettle zum sicher ga, dass es kes Unghuer isch!
Ir Chuchi hani zwar no keni gse, aber mind. 50 Chaefer.. W
äääääääH!
Scho letscht Wuche hani mi mit dr Ilaria uf Kakerlake-Jagt gmacht ir Stube, und de hani mi scho so gecklet woeu sie so schnaue drvogrennt isch. Has de gschaft es Gschirli uf sie druf ds druecke und sie i garte ds schiesse.


27.11.2007

{ 05:49, 27 November 2007 } { Posted in 2_Sydney 2007 } { 0 Kommentare } { Link }
Genau 4 Moenet verblibe no?! Oh es wird mer eifach bewusst, dass Ziit sehr relativ isch!
Uebermorn, am 29.11. hani ds Speaking Exam. Geschter hei mer ds Resultat vom 2. Mocktest erfahre; 9 Puenkt besser aber no 3 Puenkt  zweig guet fuer mis Ziel z erreiche :) (PASSED!)

So jetzt muessi dr Blog mau wider uf Fordermann bringe.
Am 9.11. hanis aendlech gschafft go Karaoke zsinge!!!! Mir hei z 5t ae Ruum gmietet fuer 2 Stund.. mir hei daenkt das sig de emu meh aus lang gnue... aber ne, i haett no mind mau so lang woeue singe :)
Am naechschte Samschtig si mer de mit dr Ferry zum Olympia Glaend gange und chli duer ds kuentschtlech erstellte Naturschutzgebiet gloffe.
Am 16.11. si mer id Cargo Bar i Usgang, d Musig isch nid sehr ueberzuegend gsi, aber es het trotzdem Spass gmacht wieder mau chli ztanze. Ha zum Glueck immer ae Nachtbus, so chumi raecht guenschtig waeg, da mer o ke Itritt zahle dert.
Am 18.11. bini mit da beide Ladies ufne South Cost Tour gange. Mir si mitemne chlien Bus suedwaerts gfahre, zersch simer zumne wunderschoene Ussichtspunkt gange, uf ca. 450 m Hoechi. Denn ischs wiiter gange uf Kiami, es chlises Stedtli am Meer. Zum Schluss si mer de no i Raegewaut gange und si dert emne abgsperrte Waeg nache gloffe. Es isch verbote gsi, sich i Waut ine z begaeh. Es het irgendwie so Schwiizerisch usgse, abgse vo dae Palme.

Fuer naechscht Weekend hei mer ues fuer ae Tour id Blue Mountains igschribe. Am 5. Dezember waerde mer ids Billy Elliot Musical ga! (mis Xmas Gschaenk fuer mi saueber... eis vo ca. 500!) ;)

THANKS MY SWEETHEARTS FOR THE ADVENT CALENDAR! :) I count the days until I can open the first window! hehe


3.11.2007

{ 10:00, 3 November 2007 } { Posted in 2_Sydney 2007 } { 0 Kommentare } { Link }
D Startuhr steit scho uf 7 Wuche.. d Taeg verfluege wie Stund, d Stund wie Minute u d Minute wie Sekunde... Letscht Wuche hei mer ir Schueu e Mock-Test gha, isch ae Pruefigssimulation gsi, zum ues scho mau druf izstimme. Ds Ergaebniss isch minersits befriedigend gsi, es besteit aber no Steigerigspotenziau (hoffendlech, suesch waeri ja im Proficiency). Immerhin bestande, das foerderet d Motivation.
Am vorletschte Maentig isch dr Manuel no neu i uesi Klass cho. Aer isch vo Spanie.

Letsch Samschtig si mer ids Chino go 'A Mighty Heart ' luege. Drna si mer ids biuige Italie Rest. ume egge go aesse.. D pasta z letscht mau si besser gsi aus d Pizza.. dr Teig viu z dick u suescht eifach o eher ae teigmasse mit chaes, tomate u ananas.
Am Sunntig bini mit dr Sabine a Bondi Beach.. es isch chli bewoelkt gsi, drum si mer meh oder weniger i dae Chleider am Strand ghocket. Denn hets ues mau ines Kaffi zoge. Ha de dr Servierlady erklaert, dassi gaer sones Oepfu ding haett.. (i wuerd Oepfustrudu nenne) u ha ueberraschend feschtgsteut, dass es genau glich heiss uf Englisch. Drzue hani mini 875. heissi Schoggi drunke siti hie bi. Bi jedere Glaegeheit u a jedem Egge giessi sone Fluessigkeit i mi Haus ;)
Und chuum si mer din ghocket, het sich d Sunne wieder zeigt. Drna si mer de no mau a Beach go hocke.. und hei dr Sunneuntergang gnosse. Leider geit d Sunne hinger dae Hueser under, da dr Beach richtig Oschte liit. Mir hei sehr laeschtegi Stoerefriede gha.. d Floeige si ues die ganz Ziit im Gsicht ume krabblet, hie fuehlt mer sich wie d Ross bi ues daeheim!!! Die Cheibe sie abartig naervig!!

Geschter Fritig, hei mer dr Cultur Day gha. Jedes Land het si Tisch gha, wo mer Spezialitaete praesentiert hei. Mir si duer die ganzi Haue gloffe u hei gmampfet was ues grad agmacht het. Es het gloub 12 Tische gha, uf teune hei sich 2 Natione ds Agebot teilt. Nach dem usgedehnte Zmittag hei mer de d Uffuehrige gha.. Mit dae Lehrer und Oh Mathilda hets agfange, gfougt vo dae urchige schwiizer Meitschi u  Giele ;)
50 Luet si schoen brav in reih und Glied gstande, wie sech das ghoert fuer ds Gmischte CHoerli! Denn het d Miss S. S. aus A. in der Schweiz dr Song akuendet und versuecht klar z mache um was, dass es sich bi dem Chinderlied handlet. Nach em Startzeiche hets us aune Kehle klunge: "Es Burebuebli mani nid, das gset mer mir wohl a juhe....." :) LOL, das isch aecht sehr amuesant gsi!! Ae Choreographie hei mer natuerlech o gha zum "mau ufe mau abe mau linggs mau raechts mau fuere mau hingere mau linggs mau raechts". Druf fougend hei die ca. 15 angere Natione oepis gsunge, tanzet, ae Stierkampf simuliert, ae Quizshow verastautet, ae Comedy show vorgfuehrt  oder Instrument gspiut.

Aendlech hei mer uesem Laebe e chline schuups i richtig Sport verpasst. D Isa,Bee and me goe aubes go schwimme. Egau was fuer Waetter, ds Wasser isch eh immer 25 Grad und wenns chli bewoelkt isch, ischs imso besser fuer ues, de muesse mer ues ndi a Grosis und Chind verbi schlaengle.

Am Donschtig Abe haette mer eigentlech ae "Social Function" planet gha, sprich es Aesse mit dr Klass, da mer aber nur ds 5. waere gsi hei mer das usegschobe.. Mir 3 Musketier si aber trotzdem chli go umeschlandere und de ds Newtown imne Italienische Rest. glandet. Ha Chuerbis Tortelini mit Rahmsauce gha (aendlech mau wieder). Ha hoechscht dringend muesse em Thai/China food uswiche. I wirde leider daheim mit Riis "gmeschtet". Sie isch chli sehr ifauslos (u knapp bei Kasse..) und chocht aecht zu 95% Riis... es wachst mer scho zu da Ohre us und a dae Fuess hani scho Riis Chnoschpe!!! ;)
Sie het mi die Wuche gfagt oeb aues guet sigi hie... u bi grad ueberrascht gsi u ha nid viu meh aus zoegernd "..ehh.. ja..." choenne saege. Ansich waers grad d Glaegeheit gsi, nur chaniraes nid grad so a Chopf waerfe. Muess jetzt mau es Skript fuer es ernschts Woertli ufsetze.. I saeges besser chli duer d Blueme, ma mers nid vergraule indem i sae kritisiere.. aber git so paar Sache woni scho besser mau soett los waerde.

Huet hani mini erschti langfrischtegi Aschaffig gleischtet (im Verglich zum Food, Fein-Schmoecki Utensil und sueschtegi Verbruchsmaterialie). Bi wieder a Paddy's Market gange (nachdem mer scho letscht Samschtig si gsi, i aber neud ha kouft). Aellei bini chli zielstrebiger duer ds Chaos gwandlet und d Staerne hei mi i Bann zoge.. Es Jaeggli and Ballerinas mit Staerne hani mer kouft. Die andere ballerinas gheie gly usenang, ha sae praktisch jede Tag a. Fuer d Turnschueh isch es z heiss u Flibbediflobbs mani nid jede Tag alege. Im Schuezimmer bini maengisch eh froh wenn um d Fuess um no chli "Stoff" isch.

Faus sich oeper ueberleit es Reisli z mache.. nru zue.. ids Flugi stige u zu mir duese...! :) 3ne People wirdi ja scho gly mau noeimet d Flosse schuettle ;) Es wimmlet vo Schwiizer da.. huet ir Stadt bini anes paarne verbi gloffe. La mer aber aubes nued la amerke, dassi sae verstah.

Huet isch sie am Mittag waeg gange, ha mer de Znacht gkochet.. natuerlech uf KE fau riis. Chli Pasta, Tomatosauce, Zuchetti, Pilze und ae Zwibele. Mir hei sit guet eire Wuche ke Salz meh.. (mir muesse scho vo dae Restaurants hei naeh). Sie hets zwar uf dr Ichoufslische, aber die luegt sie gar nie a. Ds erschte mau, vor 4 Wuche hanire abote, rgad no Sauz hei z bringe, da sie suescht o denn kes haett kouft. Mir hei ds laere Salz zwar sehr uffaellig higsteut gha, aber sie het nid gschnallet, dass sie soett go choufe u nid nur ufschribe. Sie isch maengisch sehr unzueverlaesseig im Ichoufe. Und im ganze Huus hets KES enzigs Gwuerz, isch das vorsteubar?? EXTREM fad saegi nur. Immerhin het d Illaria chli eigets Chochsauz, damit d Pastas chli Pfiff hei.

Jetzt goenni mer no es Kaeffeli u de luegei mau ds naechtschte Kapitel uf dr Diana DVD. By the way: ds Sydney isch momentan d Lady Di Usstellig, mit Gaegestaend us ihrem Laebe und mit Gschichte in schriftlecher und visueller Form. Vor eire Wuche, nach em Test, si mer anstatt im Pool im Museum glandet. Es isch sehr idruecklech gsi. Vorauem ds Video vor Beaerdigung und "Candle in the Wind" im Hindergrund...

IHHHH aes Monschter.... *LOL*
D Ilaria geit ane Kosteuem Party oder so was in der Art und het mer grad ihres Outfit praesentiert.. ;)


20.10.2007

{ 03:36, 20 October 2007 } { Posted in 2_Sydney 2007 } { 0 Kommentare } { Link }
HAPPY BIRTHDAY PA!!!

Letscht Fritig hani mit dr Isabelle und em Martin am Circular Quay abgmacht, denn si mer ufnes Baenkli chli go d Ussicht uf ds Opera House gniesse (und so naebebi hei mer no ae Prosecco trunke!) :)
Denn si die angere Schwizer Girls zu ues gstosse, sie sie de scho mau i Club gange.. mir hei eigentlech uf ae pablo gwartet aber aer het sich liecht verloffe (ca. 1-2 stund?!) und de si mer de o i Tank gange.
SUPER musig uf em r'n'b/pop w****ver floor, mir hei vom ca 11.30pm bis am knapp 3am duere tanzt :) Am 3.15 hani de grad ae Bus gha und erscht no ae normale tagesbus, i ha ndi mau es speziells ticket brucht und bi mit mim fuer null dollar hei cho :)
Dr Raescht vom Wuchenaend hani mit nued mache verbracht.. chli putzt, gwaesche und glehrt..
Am Sunntig Nami hani ae Spatziergang im 'Quartier" gmacht zum mau chli entdecke was sich alles hidner dene Strasse verbirgt. Ha ae haerzige, chline, rueihge Park gfunde. Dr Strand isch leider nid ir Nechi, da muessi scho mit em Zug 30 min fahre und de no mit em Bus 15 min bisi bim Bondi Beach bi. Ei chline Arm vom Meer chunnt zear id Nechi vo Petersham (ca.25-30 min Spaziergang), dert isch es aber nid sehr schoen, und bade cha mer scho gar nid. (waeh!)

Am Maentig isch d Claudia neu zu ues id Klass cho.. si macht dr glich Kurs aber eifach i 8 Wuche. Wini scho erwaehnt ha, isch sie natuerlech vor Schwiiz.
Mir waerde im November ae "Culture Day" ha, de tuee aui natione oepis vorfuehre und sozaege ihres Land verchoufe. Mir waerde o Spezialitaete vor Schwiiz vorbereite.. Birchermuesli, Brot.. and s on. Deswaege si mer am Mittwuch aui i uesi Gruppe gange... im ganze sis 50 Schwiizer i dere Schueu. Das isch aber nued vergliche mit de Koreaner... die si 107 Persone!!! (Zum Verglich Duetschland het gloub ca 7 u drzue hei sie o no ei Tuerk und ae Oestriicher, oder Spanier si 12). Mir muesse jetzt paar Ideae abringe was mer a dem Event choei darbiete.. *JODEL* ;)

Geschter Abe hei mer ues bim Martin troffe, mir hei e
s Barbecue gmacht bi ihm hingere Huus. I ha mi sooo ueberaesse a de Chips/Popcorn, mim Hamburger, Pizli, Haerdoepfel, Maischolbe, Salat und Dessert (Muffin). Aber es isch sehr lecker gsi. Mir heis sehr unterhautsam gha und hei super Gspraech gha (und das alles in Englisch - aes faegt so!!) :)

Huet hani 2 Zoepf bache, mir chnurret grad dr Mage (eh i meine dr Duenndarm Herr Waeuti *g*). Mir sie huet Abe iglade zum go aesse  bimne Fruend vo ihre.. und de het sie d Ilaria und mi gfragt oeb mer oepis choenne mache.. (can zou do your Swiss Bread?) und d Ilaria macht es Tiramisu.
Jetzt chochet d Ilaria Pasta originale italiana oder so ;) D jancis chocht zwar sehr guet aber eigentlech immer ds gliche drum chochet d Ilaria oft am Weekend fuer ues 2.


12.10.2007

{ 07:00, 12 October 2007 } { Posted in 2_Sydney 2007 } { 0 Kommentare } { Link }
*PICTURES*

Huet isch totals Fruehligswaetter gsi.. Am Namittag hets abegreagnet was es nur het choenne. Scho letscht Nacht hets graegnet und gwitteret. Mer cha aber chuum underscheide oebs ae Donner isch oder es Flugzueg wo ueber ds Huus krachet. D Flugzueg si mittlerwile scho fascht zu Outos worde - mer gset anduurend eis us naechschter Naechi. (Mer choennt fascht scho Ougekontakt zu dae Passagiere ufnaeh) ;).

1/3 vo mim "Studium" isch scho verbi.... bhuu. D Ziit geit ja sooo ungloublch schnaeu verbi es isch eeeextrem. I cha jetzt scho prophezeie dass 6 1/2 Moenet gar nid gnue lang waerde si... I schmiede scho neui Plaen.. ;) NENE i versueche jedi einzelni Sekunde hie ds gneisse.
4 Wuche ohni Party... damit isch jezt Schluss!

TONIGHT we're gonna PARTY! :)
sounds like FUN! :)

Letscht Weekend si mer am Samschtig namitag mit dr Faehre uf Manly gfahre ($ 12.- = ca. CHF 12.-) ir Hoffnig ufne schoene Nami am Strand. Aber neiiiii... ds Waetter het rasant umgsteut, es isch cho winde und mind. 10 Grad cheuter worde innert 2 Stund. Also nix gewesen.. mir si de chli am Strand nachegloffe und denn ines Restaurant go Pizza aesse und Kaffi trinke. Drbi hei mer no viu anderi Schueeler vo uesere Schueu kenne glehrt.. im ganze si mer 7 Girls gsi.. und vo wo? KLAR, aui vor Schwiiz. Im Verglich zu ues, rede die leider nid Englisch zaeme und so hei mir haut o wieder meusse ds Gebiss chere. I ha mi scho extrem ads Englisch rede gwoehnt und erlech gseit findis sehr schaad, gits Luet wo ir Freiziiz nur Duetsch rede. I liebes Englisch ds rede und fuer das bini ja o da...
Am Abe hei mer de abgmacht udn es si no wiiteri Schwizer Girls drzue troffe und no ei Japanerin. Im ganze si mer ds 11t gsi. Uese Plan waer gsi Karaoke ds singe... doch LEIDER isch nued drus worde, da mir ke geigneti Bar hei gfunge. Schlussaendlech si mer de eifach eis go zieh.

Am Mittwuch Abe hani ae super Radio Saender gfunge. Zum Glueck chani mit mim mp3 radio lose. Das vermissi scho chli, eifach choenne Musig azsteue.. mit em mp3 ischs nid ds gliche.. aber immerhin. Es het mi zwar chli vom lehre abghaute, ei Song kuuler aus dr anger. :)
Mit mim mp3 isch oepis mysterioeses passiert... ca 25 Ordner si knapp 20 eifach verschwunde.... NO CLUE where they've gone. Oh je mini Moend.. Kelly, Hinder, Delta Goodrem.. Aber dank dr fortschrittleche Technoligie wirdi de scho wieder a die Musig haere cho :)


03.10.2007

{ 11:17, 3 October 2007 } { Posted in 2_Sydney 2007 } { 0 Kommentare } { Link }
Neui Fotos si online!

Huet isch es VERY heiss gsi (fuer Australischi Verhaeutnis isch das aber no nix)... Im Waetterbricht hei si 34 Grad gmaeudet gha fuer huet.. es isch suuper schoen so Waetter ds ha, aber es isch o raecht brutal wenns so rasant ufe geit mit dae Temperature. Es het sich agfuehlt als wuerd mer sich mit em Foehn (uf heissischter Stufe) ids Gsicht blase! Dr Wind isch gar nuem erfrueschend wi mer das wuerd daenke, im Gaegeteil, aer machts nur no heisser!
Im Schueuzimmer isch aber ca. 14 Grad cheuter gsi, suescht choennt mer sich gar nuem konzentriere und wuerd am Stuehl und am Tisch fescht chlaebe.. I ha aber muesse ae Pulli alege dinn.. und wenn mer usechunnt erschlat eim d Hitz fasch.

Es isch es Elaend mit dere feine Schoggi.. soo verfuehrerisch... i chas nid la si ds nasche.. Snickers Pods, White Rasberry Schoggi, Tiramisu wo d Ilaria gmacht het... mhhh, lecker!!
Geschter bini chli go jogge, aber isch uesserscht laengwilig gsi, bi nur im Kreis umegrennt im Park, da i mi im Quartier nid so guet uskenne, dassi ae ganzi Route cha mache. I wott o nid dr Houptstrass nache jogge oder ade Ample mueesse warte. Aber wirde mi mi jetzt de eh im Schwimmbad sportlech betaetige, isch einiges agnaehmer bi dene Temperature.


02.10.2007

{ 07:29, 2 October 2007 } { Posted in 2_Sydney 2007 } { 0 Kommentare } { Link }
The "long" weekend is over.. but it wasn't really that long.. I haven't done all my homework so far.. I should raise my motivation and ambition a little bit more. Today we had a test about the future tenses (12 possibilities) and the result is poor... ;O
Anyway, there are more positive things here... :)

Saturday morning was a little bit  like at home, the Zopf was really delicious even though it didn't look perfect, but it was my first try. :) Ilaria and Jancis liked it (they call it bread, cause I think there is no real translation besides plait). Saturday evening I went to a (cheap but good) italian restaurant with Sabine and Isabelle. Then we went with Miriam in the cinema. Our choice: No Reservation. A real women film:) It's very romantic.. and also sad :-/ (with a happy end) :)

A few days ago I heard that Kelly Clarkson was going to be in Sydney... On Sunday I tried to find the concert local in order to get a ticket.. I printed the map and went (with a good mood) to the place I expected it. I was walking along the street.. and I asked 4 Persons where it might be.. but they all didn't have a clue. So I called Ilaria, who was at home, to ask her for help. She found then a completely other address in the internet. Because I had only a map from the area I had been before, it was difficult to find the way. I walked through a large park.. passed an openair festival or something like that, walked through colorful streets... I had lost my orientation completely but I enjoyed my walk anyway. When I finally got to the other address, about 3 hours have passed. So I walked up&down the street... but absolutely nothing looked like it could be the location. At this occasion I saw a film set with black luxury cars and black suited men running in front of a luxury building.. I don't know what it was for, all I know is, it wasn't somebody I know ;)
So in the end.... I gave up my searching.. Dusk wasn't far away anymore. I was very disappointed cause I would have loved to see Kelly live. But in the end it had something good; I could go to bed very early cause I was so exhausted.

On Monday morning I felt brilliantly well rested. I started with my homework after 9am (after 11 hours sleep). Then I met Sabine a 1pm and we went to the zoo. We took the ferry, where we had a wonderful view. It was a hot day but luckily it was winding. When we got back we had an ice cream (white chocolate and snickers chocolate - mhhhhhh!) and enjoyed the sunset. Well the sun disappeared behind the harbour bridge, so it wasn't one of those beautiful red-orange-purple once).

/////////////////////////////////////////////////////////////////////////////////////

Am Samschtig  hani es leckers Zmorge gha mit mim saeuber backte Zopf, wo zwar nid perfekt het usgse aber trotzdem fein gsi isch. Da i nid wuerklech weiss wini Zopf soeu uf Englisch uebersetze, saege d Jancis und Ilaria jetzt haut, es sig es Brot. Ds schwiizerduetsche Wort "Zopf" setzt sich eher nid duere, isch eher ds schwierig zum merke :)
Am Abe bini ids Chno gange mit dr Sabine, Isabelle und Miriam, uesi Wahl isch uf No Reservation gfaue. Sehr gueti Entscheidig gsi, ues het dr Fium sehr gfaue.

Am Sunntig hani mi am 2 ufae Waeg gmacht zum d Konzert Haue finde fuer ds kelly Clarkson Konzert. I ha no kes Ticket gha, ha aber woeue versueche eis zergattere. I ha aextra ae Charte usdruckt.. nur het sich leider usegsteut, dass a dem Ort gar ke so Haue isch.. auso hani dr Ilaria agluete, sie het mer de im Internet nachegluegt.. und ae angeri Adreaesse agae. Denn  hani mau versuech mi duer ae Grossstadtjungle ds schlah.  Ha drbi auerhand gse.. aes Festival oder suescht irgendsone Moenscheuflouf, ae riese Park, farbegi Strasse... ha de die anderi Strass o gfunde.. aber wiederum kes Konzaertlokal. Bi d Strass uf und ab gloffe... aber nach gsamthaft 4 Stund sueche hanis de ufgae und bi scho raecht enttuescht gsi. Aber so hani immerhin frueh ids Bett choenne und ha wunderbari 11 Stund gschlafe.

Am Sunntig hani zersch tchli Ufgabe gamcht und denn bini mit dr Sabine i Zoo. Vorem heiga hei mer no ae Glace gno, mini Kreation isch us wisser Schoggiglace und Snickers glace bestande :) mhhhhh! Dr Sunneundergang isch reacht apprupt da, sie isch eifach hinder dr Harbour Bridge verschwunde.. und de wirds schnaeu mau dunkel.. ds Sydney fingt mer wohl eher kes Plaetzli wo mer d Sunne im Meer gset under ga, da Sydney nur gaege Oste Meer het... (ahh ja das isch ae sehr ufmerksami Feststellig vo mir!) ;)

Ja i weiss, isch nid ae direkti Uebersetzig vom Englische.. i bevorzuge spontan ds schribe... und ds Englische hani scho vor 4 Stund gschribe.. si jetzt bim Duetsche no paar Anektote daezuecho (und haut o paar waeggla worde)!




I've got...

{ 12:27, 28 September 2007 } { Posted in 2_Sydney 2007 } { 0 Kommentare } { Link }
..the JOB @ SBB!!! I got an email an hour ago. Even I had doubts about it, I'm very happy now to know I've got it! I think there are much more advantages! I have to commute quite far to Zurich.. but I don't have to look for a job when I'm back and one of the most important thing is, that it's interesting!! It's not that easy to sign the contract from so far away and I hope it will arrive here. When I look at the mail they get here (just thrown in front of the door) I doubt that the contract survives this ;)

Now I'm enjoying the "stormfree" house ;)))

I just put a Zopf in the Oven.. so I can have a little feeling of Switzerland tomorrow for breakfast. I get rid of Muesli every day! Mhh it already smells soooooooooo good!!!

I have a 3-day-weekend now, because on Monday it's Labour Day here in Australia.. but accordingly I have plenty of homework... bhuuuuuu.

I have some more exciting plans for the weekend... I'm gonna write on Monday all I've seen, heard, smelled, touched and ate..! ;))


*********************************************************************************************************************
I ha d Steu bir SBB uebercho!!! Ha vor Personalchefin grad de Email uebercho. Es freut mi seher, so muessi mi nid mit Steuesuechi beschaeftige wenni hei chume!

Fuer d Nicht-Englisch-Koenner tueni gaern no paar Woertli uf Duetsch uebersetze :)

Es fat mittlerwiile scho seeehr fein afa schmoecke vom Zopf woni im Ofe ha! Freue mi scho ufz Zmorge morn!

Jetzt gniessi no chli dr Abe aellei daeheim, de hani chli mini Rueh oder besser gseit, cha ungstoert singe! :) hehe

Fuer ds 3-Tage-Wuchenaend hani einiges vor; zum einte muessi hani es Rendez-Vous mit mine mind. 6 Stund Ufgabe, denn hani aber zum Glueck o no einiges spannends und unterhautsams vor! Dr Bricht fougt de am Maentig oder Zschischtig!


ZOPF IS FINISH!!!!!!!!! :)



7 days passed

{ 06:34, 21 September 2007 } { Posted in 2_Sydney 2007 } { 1 Kommentare } { Link }
Uf ei Art fuehlt es sich so a, als waeri scho ewig hie, es isch uf eire Siite erscht ei Wuche aber i ha mi scho so a dae Tagesablouf gwoehnt. Letscht Nacht hani ds erschte Mau bis zum Wecker choenne schlafe und ha mi o ds erschte mau siti da bi choenne ane Troum erinnere. Bi sozaege grad drususse grisse worde.
 
By the way: it's weekend :)

Mini Plaen fuer huet: i tiffe mi am 6i mit paarne vo Klass, de goe mer go aesse und oepe mau go ds nightlife uschecke :) Mittlerwile si mer um d Romina aermer worde hei aber drfuer dr Martin uebercho, aer isch vo Tschechie.
Vorgeschter si mer i Victoria Park go Zmittag aesse und de hets no paari vore angere Klass drbi gha, ungerangerem dr Lio und si Kolleg (don't know the name), beidi vo Korea, und die hei zum Zmittag ae Schoggitorte und ae Schoggi/Erdbeer Roulade gaesse (ca. 5000 Kalorie?!!)

Am Mittwuch Abe isch d Jancis waeg gange, da hei sich d Ilaria und i aendlech mau betraeffend Suberkeit choenne gaegesitig usspraeche. Sie het ihri Woesch us dr Maschine gno, denn hani ihre woue ae Chorb gae, aber dae isch gstande vor Draeck. Denn bini dae mau ir Badwanne gruendlech go uswaesche. Aber das isch nur die Spitze des Eisberges, woeu ar Waescheleine geits de grad so wiiter... Mir hei emu beidi gfunde, wenn sie mau wieder us em Huus isch putze mer aues wo ues irgendwie betrifft. D Duschi isch z.B. raecht unappetittlech, aber o d Handtuechli, Chuchituechli und ds Tischtuech... nur choei mer ja nid unbedingt ds ganze Huus ufae Chopf steue. Eh ja mir waerde ues de scho ds haeufe wuesse.

Uebrigens chani de a, o und u's mit dae Puenkt obedruf scho laese aber cha si eifach nid schribe!!! :)

I lade das Weekend de mau chli Fotos ufe, i tue mini Sammlig aber zerscht no chli erwitere hiuet Abe, so Gsichter choei no spannender si aus d Ruem vo dem Huus ;)



my new life...

{ 08:27, 19 September 2007 } { Posted in 2_Sydney 2007 } { 3 Kommentare } { Link }
Am Maentig het d Schueu agfange. Ha sowit i das nach 3 Taeg cha beurteile ae gueti Klass. Mir si 9 Luet, 5 drvo... vor Schwiiz :) (Romina, Sabine, Isabelle, Tashi) Da mir aber aues Streber si, rede mer natuerlech nur English zaeme :) Ha auso wuerklech erscht 10 Saetz uf Duetsch gseit und suescht rede mer wuerklech immer English, aber das faegt :) Denn hei mer no ei Koreanerin (Mi Kyoung), ae Spanier (Pablo), ae Duetsche (Johannes) und ae Tschechin (Miriam). Uese Morning-Teacher dr Ray  isch aes Kaliber.. dae waer besser Schouspieler worde aus Lehrer, dae macht immer ei Show und risst Witze.. too much fuer mi Gschmack und fuer die anger o scho chli, mir moege gar nuem lache ab sine dumme Gspaess. Aber aer isch suescht scho guet und raecht und ungerstuetzt ues. D Eva isch d Afternoon-Teacher, sie chunnt vo Kanada (dr Ray vo Autstralie) und sie isch a sehr symphischi.

I mim Daeheim isch eigiges chli gwoehnigsbeduerftig, under angerem, dass es hie sehr stoubig isch und o nid so schmoeckt wie daheim. Versueche dem Abhiuf ds verschaffe indem i haut mis Zimmer putze und ha mer fein schmoeckendi Dingsli kouft. Es isch o suescht eifach nid ganz so suber wi mer das ir Schwiiz gwoehnt si, das het o ae Schueukollegin gseit. Aber nichts desto trotz geits mer super hie!!

Uebrigens: ha de es neus australisches Handynr., da ds angere ds lang nid brucht isch worde isch es gsperrt worde. Bi Bedarf bitte verlange!  :) (Hoffe doch die Nachfrag besteit...) :)

Huet ufem Heiwaeg hani no chli Action gha im Bus. Sone stoerrische junge Typ het sini Musig nie woue lisliger mache, da het d Buschauffeur aghaute und ihn usebittet. Aber dae het nume umegmotzet (f@***, ##!!* usw.  *lol*) und d Luet hei ihn o scho agmotzet wo nach 5 min. nued passiert isch... sini Kollegin oder Fruending hets versuecht ihn usedslocke "Mathew com'on......." Aber aues het nued ghoufe, ds Buebeli (ca. 20i) het eifach woue dumm tue, so hani haut dr Bus gwaechslet wie das vili o scho hei gmacht, woue das het sicher no duuret.
Mit em Bus ischs o immer sone Sach. Besser gseit mit em Usstige. Es gseit i mine Ouge aues sooo aehnlech us a dere Parramatta Road und es brucht immer sehr viu Konzentration usedsfinde woni muess usstiege bin hei cho. Ha mer jetzt d Mazda Garage gmerkt so ca. 600 Meter vor mire Hautsteu.. und denn muessi bim Bel Mondo d Railway Road hingere loufe (im Fau mi oeper wett cho bsueche) :)))

Ha jetzt grad sturmfreii Bude.. weiss nie so gnau wenn d Jancis hei chunnt, sie ungerrichtet ab und zue aus Ushoufslehrer oder geit o no zu dae Schueler hei. Am Maentig hani mit dr (uh das mit dene aenglische Name isch sone Sach) Nichte vo ihre chli gredet, vorhaer het sie immer uh schuecht ta. Sie isch aecht sweet :) Aus Chind scho so guet Englisch ds choenne isch doch wunderbar!!! :)) hehe

Ah, here she is.. back home!

Jetzt warte Ufgabe uf mi!


I arrived...

{ 01:02, 16 September 2007 } { Posted in 2_Sydney 2007 } { 1 Kommentare } { Link }
Geschter bini nachere Ewigkeit Flugziit acho. Die erschte 2 Flueg si ganz guet gange, ha die lengscht Ziit gschlafe, beidi Flueg si meh aus 10 Stung gange. Dr letscht FLug isch zwar nur 3 1/2 stund gange aber i bio soo k.o. gsi.. my home hani ganz saeuber gfunge (oder emu fascht, ab em bahnhof hani es taxi gno, isch zwar nuem so wiit gsi aber mi 20 kilo am ruegge isch o ca. 7 min viiiu)
Huet bini mit dr Ilaria zaeme (sie isch die anderi Studaentin wo da wohnt) go luege wo uesi Schuele si. Sie geit de ine anderi Schueu. Denn si mer no amne Schueufescht gsi mit dr Jancis (d Dame vom Huus) und det hei mer ae Torte kouft wos de huet Abe zum Dessert het ga. Mir wohne ds 3. da, aber huet si zum Znacht ihri beide Toechtere mit ihre Maenner und ihrne Chind cho (3 Kiddies). Kuul wenn oepis louft! :) Das Chaeferfescht findet jede Sunntig statt!!!
Denn si mer no am Bondi Beach gsi, het es paar Surfer gha und paar ganz abgherteti bade Luet. Es isch sehr windig gsi.. ar Sunne sicher 18-20 Grad auso raecht agnem aber im Wind scho chli fruesch.
Jetzt muessi de mau ids Bett, morn muessi so am 6.45/7.00 ufstah, mi erscht Schueutag fat am 8.15 a.

Hold the line-I write more soon... :)


Home

{ 01:12, 27 August 2007 } { Posted in 2_Sydney 2007 } { 0 Kommentare } { Link }

My Adress in Sydney (until the 15 December)


c/o

Mrs Jancis Dienes
42 Fort Street
2049 Petersham NSW
Australia

I'm looking forward to your letter.... :)

BY THE WAY: send x-mas gifts early enough (in the middle of november) so i can take them with me and unpack them under a palm at the beach... :)))

PS: schicket d wiehnachtsgschänkli früeh gnue (mitti november) de chani sä mitnäh und ungerä paume am strand uspacke... :)))



School

{ 08:17, 11 August 2007 } { Posted in 2_Sydney 2007 } { 0 Kommentare } { Link }
My School

Sydney College of English
35-39 Mountain Street
Sydney NSW 2007






Über mich

Startseite
über mich
Archiv
Freunde
Mein Fotoalbum


Links


Kategorien

1_on the road to... 2007
2_Sydney 2007
3_Australia 2007, 2008
4_New Zealand 2008

Neue Einträge

nostalgic....
Fotos
..I'm trying hard..
I bi.../Je suis.../I am...
North Island
New Zealand (South Island)
111
Fotos
Christchurch
Goodbye Australia

Freunde

AlyChica
web counter webcounter