..around the world..

Fotos

{ 03:41, 13 February 2008 } { Posted in 3_Australia 2007, 2008 } { 0 Kommentare } { Link }

Mini Fotos si online uf Facebook:



Christchurch

{ 08:40, 12 February 2008 } { Posted in 3_Australia 2007, 2008 } { 0 Kommentare } { Link }

Mi erscht Idruck vo Christchurch isch uesserscht positiv, es isch ae sehr haerzegi Stadt. Ha 2 ganzi Taeg zum d Stadt erkunde und de gani de mit em Bus uf Kaikoura. Leider isch z Waetter nid sehr toll, es raegnet und d Temperatur isch im Verglich zu Perth o ca. 20 Grad cheuter. Huet bini iz Museum gange, blibt nid so viu angers uebrig.

Ab sofort tueni SMS wieder uf mire Schwiizer Nr. empfah, ds AUS Nr. funktioniert da nid.

Dr Trip vo Perth uf Exmouth het mer sehr guet gfaue, d Straend und d Landschafte si wunderschoen.

Am Erschte Tag si mer ufne Farm mit aune moegleche Viecher (wo mer hei choenne fuettere) gange und dert hei mer o choenne Schlange alaenge und ume Haus haenge :) Denn si mer zu dae  Pinnacle gange, das si Steine wo senkrecht us em Sand useluege, teu nur paar cm hoech, abgeri bis zu 4m hoech. Mir si de zum Pink Lake gange, ae Salz-See wo tatsaechlech pink erschiint waeg dae bakterie wos drin het. Dr Sunneuntergang hei mer z Kalbarri gnosse.
Mir si de frueh ufbroche, damit mer bi Sunneufgang bim Feuse mit em Loch gsi si! De hei mer ae wunderschoeni Wanderig em Murchison Fluss nache gmacht, oder besser gseit uf dae Feuse wo dr Fluss umhuelle.
D Nacht hei mer z Monkey Mia verbracht wo mer de am naechschte Morge hei choenne bi dr Delphin Fuetterig drbi si. Mit chly Glueck het mer emne Delphin choenne ae Fisch gae.. i leider nid. Die choemme jede Morge zur Fuetterig ine, und d Rangers kenne die o aui bim Name. Leider hei mer sie nid doerfe alaenge, aber o z luege isch sehr schoen gsi!!!
In Coral Bay hei mer choenne iz Nogaloo Reef go schnorchle. Mir si fuer das mitemne Schiff mit Glasbode chli iz Meer usegfahre. Ir nechi vo Denham hei mer im Ocean Park choenne bir Hai Fuetterig zueluege!
Bir Rueckfahrt hei mer de no ae Abstaecher iz Usland gmacht - id Hutt River Provinz, wo mer de d Ehr hei gha dr Prinz z traeffe! Mir hei natuerlech uese Pass muesse mitnaeh fuer z Visa.. und es isch aecht ke Witz (has o nid gloubt ha vorher) dae het ues de ae Stempl i Pass gmacht. Das isch tatsaechlech ae unabhaengegi Provinz vo dem Prinz Leonard gruended, woeu aer ke Stuere fuer Australie meh het woeue zahle!



Goodbye Australia

{ 10:17, 10 February 2008 } { Posted in 3_Australia 2007, 2008 } { 0 Kommentare } { Link }

I ha mini letschte Taeg z Sydney verbracht.. und morn am Morge geits de los fuer uf Christchurch. I freue mi SEHR uf Neuseeland, bi aber glichzitig o chly truurig, dass z Australie-Kapitu verbi isch. I has eifach wunderschoen gfunge!

Tue de vo CC us ueber mini letschti Tour schribe.

 



Perth

{ 02:53, 23 January 2008 } { Posted in 3_Australia 2007, 2008 } { 1 Kommentare } { Link }

Here I am..  And there's quite a lot to keep up with..

Melbourne

Mis Hostel isch z St. Kilda gsi, es Quartier am Meer, u so hani o 2 Taeg am Meer verbracht u bi nur 2 Mau mit em Tram id Stadt. Z Waetter isch super gsi, fuere Strand grad so perfekt. Ei Abe bim Spaziere am Meer hani de o dr 1. Promi gse z Australie.. isch aber sone Australian Idol Heini gsi ;) Haette sich die chline Meitli nid so uffaellig benoh, haetti ihn aeuae gar nid bemerkt.
Ir Stadt bini naebscht em Ussichtsturm, em Botanische Garte und em Fluss chli a chaute Plaetz nache, u die hani i Museums gfunde.

Great Ocean Road
Uf dere 3 Taegige Tour si mer ar Kueschte nah uf Adelaide gfahre und hei drbi wunderschoeni Landschafte choenne bestuune. Es het sehr gfaegt wieder mau Luet kenne z lehre. Mir si de z Adelaide o aui zaeme ine Bar, u hei ues de no Pizza lah cho zum Znacht.

Adelaide
Am erschte Tag bini chli er Ichoufsstrass nache glofe u hami de knapp 2 Stung imne Buechlade choenne verwiile, waers dert in nid so chaut gsi, haettis no paar Stund usghaute. Bi zerscht mau ae Ewigkeit i Reisefuehrer go laese unger angerem im Lonely Planet vor Schwiiz. Waer gloub no ae schoeni Destination, i ha drum mini Reiseplaen gaendert und ga Aendi Maerz no ir Schwiiz go umereise!!! ;) hehe
Bi de o nid mit laere Haende us em Lade, ha mer The Da Vinci Code kouft.
Denn bini uf Kangaroo Island und woni wieder bi zruegg gsi hani dr Namittag am Strand verbracht.

Kangaroo Island
Das mau hei mer ae chlinere Bus gha, und woni ir Jugi abghout bi worde si de o scho 3 drin ghocket woni vor Great Ocean Road scho kennt ha. Es isch de no eini meh drzuecho, auso hani scho mau 4 Luet kennt.
Uebernachtet hei mer vorusse, im "Swag". Es isch ziemlech chaut gsi, aber da i ja ae guete Tipp uebercho ha, bini o chli mit warme Chleider usgrueschtet gsi. Dass mer aber am Abe mit Pulli u Decki vorusse hocke hani mer de scho nid grad choenne vorsteue. I bi ja schliesslech z Australie?! :) Es isch absolut atemberoubend gsi dr Staernehimmu azluege, i hami so gluecklech gfueeut i dem Moment. Leider ischs ir Nacht cho raegne, de hei mer muesse unger ds Dach zuegle. Am 2. Abe si mer z Wildlife ir Nacht go aluege, ufem Waeg zur Kueschte hei mer oepe 4478 Kangaroos und 987 Wallabies gse!! (Mir si mit em Bus gange und hei sae drum im Schiinwaerferliecht guet gse). Mir hei ues de uf Pinguin Suechi gmacht und schlussaendlech spaerlechi 3 entdeckt. O die 2. Nacht hani wieder unger dae Staerne verbracht. Am 3. Tag hei mer de choenne schnorchle, nur hets a dem Flaeck absolut nued spannends z entdecke gae.

Adelaide - Alice Springs
Wieder ae Tour, und wieder hani 3 Luet kennt. Mir hei die erscht Nacht z Coober Pedy verbracht, imne Hostel wo sich im Feuse befindet. I dere Stadt mitte im Nichts laebe 80% vo dae Iwohner unger dr "Erde", ausi i Hoeline, aber nid uf primitivi Art und Wiis sondern sehr zivilisiert, i vollkomme haerkoemmlech igrichtete Wohnige. Eifach ohni Fenschter u mit Feusewaend. Die "Stadt" isch beruehmt fuer d Opal gwinnig, und mir hei de o choenne i Bode abe go luege wie sone Bohrsteu usgset.
Mir si aui zaeme go Pizza aesse u de no schnaeu ire Bar verbi ghuepft.
Uf dere 2 Tage Tour simer gloub um die 1500 km gfahre, und das antlang vo Sand, Buesch, Sand, Buesch und Sand. DIe einzig Abwaechslig het ae Sauzsee bote, dae isch aber volkomme ustrocknet gsi, nur no z Aauz isch am Bode uebrig blibe.

Outback
Am 6.15 bini vom Hostel abghout worde, u de so am 7ni simer iz Outback use gstoche. Ume Mittag si mer de bim very famous Uluru (Ayers Rock) acho u hei mau die erschti Ladig Fotos gschosse. Am Nami si mer de ufne chlini Wanderig und de i ueses Camp im Uluru National Park. Vor Sunneuntergang si mer de losgfahe zum dr Rock im Abeliecht z gse.
Uebernachtet hei mer wieder im 100 Billiarde Staerne Hotel.. und si de am 4i ufgstande zum dr Sunneufgang am Uluru z gse. Bir agnaehme Morgetemperatur hei mer de choenne ufe Uluru ufe loufe oder rumum, und i hami de fuer z Rundum loufe entschiede. Das si ca. 9km, und het chli meh aus 1.5h brucht. Zum GLueck hani es Floeigenetz gha, so hani die Viecher nid anduurend muesse us mim Gsicht verschueche. Es gset zwar chli Bank-Ueberfau maessig us aber i HASSE die Floeige ir Nase und i dae Ohre. Und im Outback us isch das eh raecht trendy!!
Die zweit Nacht hei mer ir Nechi vo Kings Canyon verbracht, aes liechts Gebirge wo mer de am naechschte Morge 3 Stung si go wandere. Mir si umgae gsi vo Dingos, u ir Nacht bini de o ufgwacht waeg dene, weu sie Laerm gmacht hei bir Suechi nach Diebesguet. Das hei sie de o gfunge, sie hei irgend es Chleidigsstueck ab emne Busch grisse. I ha sae versuecht z verschueche, ha aber chli z fescht Angscht ha zum ufzstah. Mir hei de o dene ihres Huele ghoert, aui zaeme, vo jedere Siite!! Fuer d Wanderig hei mer muesse 3 Liter Wasser mitschleppe, 1 Liter Wasser pro Stund isch s Pflicht bi dere Hitz!
Da mer scho am 6i agfange hei mit Wandere si mer de am 10ni wieder bim Camp gsi und hei dert choenne ae sehr erfrueschende Schwumm im Pool naeh. WONDERFUL.. I choennt kes Wueschtetier si, die Temperatur bringt eim fascht um! Nach 3 Taeg bini mers aber de scho chli gwohnet gsi bi 40 Grad. Zruegg in Alice si mer de go Znacht aesse.
I ha de no ei Tag z Alice verbracht, isch aber VIU z heiss gsi zum duss oepis mache, so hani mi iz Zimmer zruegg zoge u ha mau wieder Tagebuech nache gfuehrt.
Geschter bini de uf Perth gfloge, a Board 2 woni uf Toure scho gse ha.
I hami de im neue Hostel iquartiert... es het mi aber leider scho vo Afang a nid so choenne ueberzuege wie d YHA's und z Base, beides sehr moderni und suberi Hostels. Leider isch es hie ziemlech drackig, und das hassi so sehr. Es cha autmodisch oder chly si, aber draeckig isch eifach haesslech. Zu auem haere isch das no das Hostel woni am auerlengschte blibe, fuer 9 Naecht. I cha leider i kes angers Hostel, da mer die z Gaeud nid wuerde rueckerstatte. Tja, machi haut z beschte drus. NO WORRIES wies da z Australie so schoen heisst.

I vermisses chli uf Toure z si, dert hets mit dae Luet immer gfaegt.. dert lat sich am eifachschte Kontakt chnuepfe. Ire Wuche gani de uf mini letscht Australie Tour uf Exmouth.



Alice Springs

{ 05:21, 21 January 2008 } { Posted in 3_Australia 2007, 2008 } { 0 Kommentare } { Link }

I bi z Alice und es isch heiss wi imne Bachofe.. I chlaebe a dem Stueu fescht u sehne mi nach em Pool.. drum gibi o nur mau churz es Laebeszeiche. Morn fluegi uf Perth und dert verbringi de ei Wuche und das soett de scho mau laenge fuerne usfuehrleche Itrag und fuer neui Fotos!!!



Canberra

{ 10:50, 2 January 2008 } { Posted in 3_Australia 2007, 2008 } { 0 Kommentare } { Link }

HAPPY NEW YEAR EVERYBODY!

I bi am 30. Dezember wieder z Sydney acho und es isch chly wines hei cho gsi (aber scho nume chli). De hani mi im Chuengustau iquartiert.. (ca. 4qm - ohni Fenschter).
Am 31.Dezember bini no mini Reis go zahle und d Infos go abhole iz Reisebuero, de bini am 3 mit dr Ferry zum Milson's Point gfahre woni d Sabine wieder troffe ha. Sie hei scho sit em Mittag ir bruetende Hitz ae guete Platz gsicheret. Aes het sehr viu Luet underwaegs gha ir ganze Stadt, und a de guete Plaetz isch es platsch vou gsi. Am 9ni hets es erschts chlyses Fuerwerk gae und de isch dr Countdown no mau los gange.. bis am 12i und de hei mer ae super Sichet uf d Harbour Bridge gha. Z Fuerwaerk isch ae bome Sach gsi, nid auzu laeng aber die ganzi Bruegg isch involviert gsi und aes het wunderschoen usgse!
Geschter hani Sydney no chli gnosse, aes isch wunderschoens Waetter gsi.
Huet morge bini uf Canberra gfahre, und de bini dr ganz Namittag umeglofe, mit dr Absicht iz Bycicle Museum z ga... und nach meh aus 2km (durschtig und dueregschwitzt) hani de festgsteut dass es nuem am gliche Ort isch. Denn hani ae Flyer uebercho bire Info.. und ha de glaese dass es eh scho zuegmacht haett. So bini haut im McDonalds glandet und ha mer ae chueli Erfrueschig goennt.

 



back in Brisbane

{ 01:47, 29 December 2007 } { Posted in 3_Australia 2007, 2008 } { 0 Kommentare } { Link }
Nach Byron Bay bini uf Surfers gange wo d Skyline 200 Meter hoecher isch. I ha nid viu speziells gmacht, usser a Strand gange zum mer ae wiitere Suunebrand hole (trotz zuedecke). I mim Zimmer bini de uf die erscht Schwiizerin uf mine Reise gstosse. Mer hei dert 2 Zimmer und ae Chuchi gha, so hani zerscht mau oepis choenne choche. Vorher isch d Chuchi immer ueberfuellt gsi. Am letschte Abe z Surfers bini mit dr Joelle ae Drink go ha, aber suescht bini nie i Usgang. Fuehle mi nid so drnah..
A Wiehnacht bini uf Fraser Island gange, zaeme mit 39 angerne bini im Bus ueber heuglegi Sandwaege, Raegewaud und em Strand nah gfahre. Mir si aune 3 Taeg noeimet go bade, wobi i am 2. Tag nid ids Wasser bi, es isch mer z chaut gsi. Am 1.&3. Tag simer i Seeae go bade, isch aecht extrem schoen gsi!!!! Mir si de aui zaeme go Znacht aesse und hei de am 1.&2. Abe chli Wiehnacht gfiiret.. nie vorhaer bini a Wiehnachte go tanze.. u das no i churze Hose u Flip Flops ;) Am letschte Tag simer de no bis zur letschte Faehre am 8ti blibe, si nach dr Rueckkehr i warm pool go bade und de no gratis go Znachtaesse (was eigentlech nuem im Programm waer gsi).
I bi denn nach Hervey Bay no ei tag uf Noosa, aber es hets nid so bracht, ha ae abrochnige Abe und ae Morge dert verbrunge, viu hani nid choenne mache. Bi am Abe go Atonement luge und am Morge hani de meh oder weniger gwartet bis mi Bus abgfahre isch. Bi schnaue am Strand nah gloffe, aber es isch leider nid schoen gnue gsi zum bade, extrem windig und Raege. :(
Letscht Nacht da z Brisbane bini imne 8ter Zimmer gsi (mit 7 Type).. und ha dr ganz Abe eis Krach um d Ohre gha, so hami entschiede fuer die letscht Nacht da es einzel-Zimmer z haeh. I goenne mer das jetzt mau, i bruche eifach wieder mau chly mini Rueh und ae Ort woni mi cha usbreite, so dassi mi Rucksack mau vo ganz vore cha afa packe.


MERRY XMAS

{ 10:11, 23 December 2007 } { Posted in 3_Australia 2007, 2008 } { 0 Kommentare } { Link }

****M.E.R.R.Y.   X.M.A.S.****

 

I'm going to Fraser Island now (for 3 days)! :)

 



Home, sweet home...

{ 08:19, 21 December 2007 } { Posted in 3_Australia 2007, 2008 } { 0 Kommentare } { Link }
I miss you...

Byron Bay

{ 08:57, 18 December 2007 } { Posted in 3_Australia 2007, 2008 } { 0 Kommentare } { Link }
Am Samschtig Mittag bini ds Brisbane acho.. und das leider totau chrank. Ha ae churze Rundgang duer d City gmacht u bi naer id Jugi go schlafe. Das isch leider nid allzu erholsam gsi, da immer Luet ine und use si und ds Liecht a und ab gange isch bis spaet am Abe. Dank dae Medis udn Schmaerzmittu hanis de gschafft, am Sunntig chly meh vor Stadt go azluege. Am Nami bini no mau chli go schlafe, i ha leider so Chopfweh gha. Am Abe bini mit dr Solene, sie isch im gliche Zimmer gsi, ids Openair-Chino. Da mer zu dae erschte ghoert hei, isch ues es Getreank und e Salat offeriert worde.
Am Maentig bini mit em Greyhound Bus uf Byron Bay gfahre, und hanmi de ir kunterbunte Jugi iquartiert. I ha de erscht am abe am 9ni(oder aebe 10ni) gmerkt, dass mer scho wieder Ziitumstellig hei gha.
Huet bini am Strand nah gloffe, u de uf e Huegu zum Luechtturm. Ha ungerwaegs o paar Pouse gmacht.. und noeimet woni schoen uf ds Meer use ha gse, hani sogar Delphine gse!! :) NICE.
Bi mi no chli am erhole.. drum bini huet no nid go surfe, wini eigentlech haet planet gha. Es haett zwar wunderschoeni Waeue gha. Fuer mi zwar eher scho fasch chli z grossi. ;)
Reise cha ganz schoen astraengend si, wenn mer muess 21.5 Kilo am Ruegge nache schleppe, und nach 3 Naecht au sini Sache wieder muess zaeme packe und wiiter zieh.
I ha jetzt mi gsamt Australie Ufenthaut buechet. Es wird bestimmt sehr schoen, aber wenni jetzt nach 3 Taeg scho mued bi, wotti ja nid wuesse wie k.o. i de nach 3 Moenet bi.


Über mich

Startseite
über mich
Archiv
Freunde
Mein Fotoalbum


Links


Kategorien

1_on the road to... 2007
2_Sydney 2007
3_Australia 2007, 2008
4_New Zealand 2008

Neue Einträge

nostalgic....
Fotos
..I'm trying hard..
I bi.../Je suis.../I am...
North Island
New Zealand (South Island)
111
Fotos
Christchurch
Goodbye Australia

Freunde

AlyChica
web counter webcounter