6 Months in Manhattan

last time

{ 06:04, 12 September 2006 } { 0 Kommentare } { Link }

oke,aes gseht folgendermassae us,dae sili und ich sind huet uf atlantic city go gamblae,hetaemer viel geld gwunnae wueremer alli anaes welcome back dinner iiladae,do das aber noed dae fall isch liits a eu ues wenigschtens  ae welcome back party zgeh..fuer alli wos noed wuessaed,dae party tag isch dae friitig,ziit doerfaed ihr bestimmae,mir erwartaed niemert am flughafae will 1.:

Mir choemaed am morgae am 7 a und 2.:

Mir gaend ues jetzt di reschtlichae 60 stund(han ez ziemlich lang brucht zum da usrechnae genau us folgendem grund:  )dae rescht,und mir woend noed das ihr ues so richtig kaput serscht mol wieder gsehnd sonder fit und fresh wiemer eingentlich sind.oke,ez haender alli infos

 

N to the A to the D to the J to the A,NYC ruled und mir ruled no viiiiiiiiiiiiiiiiiiiiiiiiiiiiiil meh



Ernesto,Usher and Roger Federer

{ 01:59, 6 September 2006 } { 0 Kommentare } { Link }

fuer alli wos noed wuessaed,dae ernesto isch aen hurrican wo letscht wuchaenend do in new york gwuetaet haet,vor allem in long island,vor allem in glen head resp.so quasi i mim zimmer.haet aso recht gwindaet und gregnet und mis zimmer isch naer nass und mit blaettli bedeckt gsi.uf dae strossae hates aescht und baeum gha,smeer isch fascht uf dae stross gsi,dautos haend fascht nuemae choenae fahrae.nochdem ues den dae ernesto wieder verloh haet simmer no ad mtv music awards.guet,eigentli waeraed diae vor aem ernesto gsi aber han denkt da seg ez gad so aen super uebergang.anyway,mir sind aso doet anae wo all diae stars au anae hetaed soellae,aber diae stars haend ues eifach irgendwiae verpasst.nur dae usher haet zmol uf dae stross i sinerae limusinae aghaltae,haet sfenster abaeloh,und haet ues den ca.5min zuaegwunkae bismer den gfundae haend oke,ez haeter ues gnueg lang gseh und sind den gangae.und den bini huet no as us open,haet dae ganz tag gregnet,haend kein eizigae ballwechsel gseh.dae roger haemmer leider somit au nur ufaem plakat gseh.mir haend den scho denkt mir hegaed diae 45 dollar in sand gsetzt,wills jo alles canceld haend weg regae,aber mir haend ez zum glueck nomel aes ticket fuer dae dunschtig becho.han gescht min letschtae arbeitstag gha,uhuuuuuuuuuuuuuuuuuuuuuu.ez haemmer nur no aes paar wenigi taeg do in nyc,obwohl mer doch no gar nuet gseh haend.

see ya soon

 

nadja



Silvan on TV..

{ 09:24, 25 August 2006 } { 3 Kommentare } { Link }

so, isch ezt glich auscho wider 1 monaet vergangae sit mim letschtae itrag..

 

so, dChartae acho? ali wo ezt taenkaed si hegaed garkeini uebercho chani nur sagae FALSCH! si isch im ruemli freidorf, ir haend si nur niae glasae!

bin gescht amae gratis konzert gsi vom kurtis blow, nur schwarzi gha, ussert ues. isch anderscht abgang, eis vom beschtae konzert gsi. Christina Aguilera bini au goluaegae, gratiskonzert vo pharell und kanye west hani leider verpasst, regt mi ezt no uf.

haend uesaes ganze apartment neu gstrichae, entstandae us ca. 10 druffnae oebig, gseht absolut kagge us, woet so schnaell wiae moeglich usziae..  sind ezt gad wider z'6tae idae wohnig (nadja inklusive), denn vom eintae isch kollegin und kolleg do. i muae no knappi 2 wuchae schaffae, denn feriae..  ...falls oepert ae guaets "ruemligschaenk" wuesst woni choent mibringae, let mi know, und i waers is flugzueg schleikae, egal wiae gross dasaes isch, egael wiaes wird stinkae....

 

mir sind so am 15tae september wider idae schoenae schwiez, ali wo mi scho frueaener woend gseh, schaltaed am 3.September, am obig am 10i SFDRS i, cash TV...  aaaaaaaiiiiiight?! ..cashTV waerdaed wahrschindli iri hoechschtae ischaltquotae erlaebae, wos je gha haend....

 

da waers auscho wider vo mir, piis und bis bald

 



3 more weeks

{ 03:12, 23 August 2006 } { 1 Kommentare } { Link }

als erschts,mit wow uf daerae siitae isch jo mol richtig was los hani eigentli noed gmeint das ez niemert me muae inaeschriibae..dae sili isch letschti am christina aguilera konzert gsi,seg schinbar noed so laess gsi..(chasch jo au noed erwartae das cool isch sili,am 7 am morgae und gratis..do wueri mir doch au kei muaeh geh..)muen ez no 2 wuchae schaffae,denn hani endlich feriae,wow,da wort kenni scho gar nuemae.(anderi sind gad i dae 3mt feriae,findsch da fair ludi?)mir haend do scho viell tolli sachae gmacht,bronx zoo,ny aquarium,botanic garden brooklin,alles mega laessig fuer dae sili,alles aes muesae fuer mich,do gits natuerli kei pardon,so schatz,huet goemmer go fischli aluegae und scho mueni wieder fruae ufstoh,obwohli doch amel gern wenigschtens bis am 10 wuer schlofae weni schomol frei ha..wamer noed alles fuer sini liebi macht.oke,mir wartaed uf irgendwelchi bloedi kommentaer und marc,du bisch super

nadja



sky terror

{ 04:32, 12 August 2006 } { 0 Kommentare } { Link }

oke,ez wod wm verbii isch muend damis natuerli ae neus thema findae zum drueber brichtae..i seg nuemae sky terror..natuerli chamer do 24h am tag mitverfolgae wa gad so passiert a alnae flughaefae und wem das gad d'zahpasta oder s'shampoo wegnemaed.i mein,bi mir im wald waer sicher nuet passiert und bim sili im gettho..i weiss jo noed,doet het wohrschinli dae bush no muesae drufzahlae das sich diae mueh gnoh hetaed..und uebrigens,wow,uf daerae siitae isch jo zmol was los,jedaes mol weni wieder druf gang haets wieder unmengae vo neuae iitraeg,wahnsinn.leider hani noed so viel ziit zum itraeg ischriebae willi viel schaff,und ludi,i chan serscht mol i mim laebae mit dir mitfueahlae,i find naemli diae stell do wohrschinli nochli me scheisse wiae du din job.jedae morgae aen kampf zum ufstho und noch 5 min schaffae scho glaubae dae tag seg scho umae..schlimm.denn hani au no so aen kommentar glaesae vo wegae dstudentae hegaed halt kei ziit zum schribae wills so busy sind,jo eh,vorallem i denae 3mt feriae wos gad haend..jojo ivana,i weiss doch das glich wiae ich bisch..und den hani au no sachae vo dae sophie ghoert womi eigentli scho chli gnauer wuerad interessierae..oke,so zimli imaena mt simmer schowieder back,bis denn keep it real guys..

n to the a to the d to the j to the a

 



..........

{ 05:41, 22 July 2006 } { 8 Kommentare } { Link }

so, sitz gad im sales office, mag noed schaffae, bin no betrunkae vo gescht obig bzw. huet morgae, dussae scheiss waetter aber glich haiss, gescht jeeenaes pisst, alaes under wasser gsi, ganz queens sit 5 taeg ohni strom und jehnaes ghetto, bi ues aber allaes klar...

 

dae DJ wo bi ues gwohnt haet isch uszogae haet sich gescht eifach verpisst, chunt nuemae go schaffae und kain maensch weiss wohner isch, aber au egal isch eh aen psycho. sit dnadja zalltag gha haet vill am shoppae, vill gaeld usgeh, verdiaen ezt aber au meh wili provision ueberchum, fuer cds gibi kai us, han scho fascht 50GB musig abaegladae. usgang, beach, park, konzerts, schaffae, usw. do verpissaed sich ali, haend nocher sapartment zdrittae und noechscht wuchae choemaed neui biatches. uesaen ufenthalt do goht auscho am endi zuae, no ca. 6 wuchae und denn zrugg id schwiez. dae myron (usae dauergascht) haet doet wohni wohn mit eim problem, isch mit dae waffae verfoglt wordae, fuehlt sich nuemae so wohl und ich getrau mi nuemae mit im ufd stross. chan numae am wuchaenend uf basislager page, aber egal, isch au langwilig, mini jedoch au.

 

so, moest zur abwaechslig au mol no chli schaffae..

piiis und vill pardey idae feriae 

silvan



Dankae Fabian

{ 04:07, 15 July 2006 } { 6 Kommentare } { Link }

Liebschtae Faebi

Mir dankaed dir ganz herzlich,vorallem ich will du haesch jo zu mim itrag aen kommentar gschribae,das du dir ziit gno haesch und oepis netts inaegschribae haesch.mir haend scho denkt diae siitae laest niemert,aber jetzt simmer eines besseren belehrt worden.immerhin haemmer ein fruend i dae schwiiz wo amel ab und zuae a ues denkt.dankae nomel und uebrigens,da heineken do isch au recht guet...

viel spass i dae feriae und tuend noed zwuescht,luegaed daser d'maedels chli under kontrollae bhaltaed..au und no so by the way,mir haend au scho fruendae us dae bronx,jetzt simmer sicher do..

 

Nadja



Halbziit

{ 10:19, 5 July 2006 } { 1 Kommentare } { Link }

leck doch mir,ez hani tatsachlich schowieder dhaelfti hinder mir,diae ziit vergoht so schnell.do i dae usa isch uebrigens au swm fieber usbrochae,wo sspiel usa ghana live am time square uebertreit wordae isch sind ganzi 200(aso zweihundert,noed irgendwiae zweihunderttusig) luet am luegae gsi..und da sind hoegschtworschinli alles touris gsi.do verecksch he.diae haend mi jo au gfrogaet ob daen d'wm jedes johr statt findet..da chani aso gar noed mit mim fuessballherz veribarae,so sachae gend amel gad wieder aen richtigae stich is herz.temawechsel.bi mir i dae chuchi hani scho recht viel veraenderigae gfordaeraet und au becho,zum bispiel haemmer ez seifae plus mir haend sogar luempae zum arbetsflechi reinigae.hui du.ez kaempfi momentan gad fuer ae stahlwattae zum pfanae putzae.im grossae und ganzae chamer aso saegae dia amis sind halt wuerkli noed ganz so wiae mir sind,aes sind bi mir i dae chuchi scho 3 luet weg alkohol gschmissae wordae,da heisst weg jedae tag waehrend aem schaffae sich am besufae.mi haends halt nonoed verwuescht diae troettel.nei isch scho recht krass,alles holiker,irgendwiae zienae holiker und huend eifach a.woni mi natuerli druf freu isch ufs us open,do gangi doch dae roger go understuezae.dae sili und i sind scho chli dick wordae,da sili bringt sogar bi sinaerae eintae hosae dae chnopf nuemae zuae.so schlimm stohts um mi zum glueck nonoed.oke,da waers vo minaerae siitae,bis bald

nadja

 

 

 



hhhhhhhhaaaaaaaaahhhhaaaa

{ 07:15, 31 May 2006 } { 0 Kommentare } { Link }

da isch da wo dae sili und ich ueber eues wetter denkaed..zum glueck isch bi ues scho dae hochsummer itroffae..perfekt,wens bi eu wiiter so anderscht chalt isch den choemaed mir jo gad rechtziitig uf dae summer zrug..

 

mir



check Druck Punkt

{ 06:25, 29 May 2006 } { 1 Kommentare } { Link }

so, bin am schaffae und mir isch gad serschtmol langwielig....

do in new york city isch mittlerwielae verdammt haiss... ...i uesaem buero haltischs fascht nuemae us und mir haend noedmol AC. sBeschte isch da isch erscht dae afang. gescht bini im park gsie und ha mim wiessae koerper serschtmol dsunnae zeigt....

die noegschtae vier taeg hani zum glueck frei, wuer saegae ab an beatch...

uesae pornostar stammgascht isch gescht au wider zrugcho, dCia.    ...ganz ae schoes maitli

dae eint wo mit mir zaemae wohnt haet ae homepage, checkaed diae mol ab: http://www.druck-punkt.de.vu/

morn bis am sunntig chunnt no min vater do anae.

 

so, das waers denn auscho wider...

piis und schriebaed mol aen tummae kommentar inae..



2nd News

{ 02:31, 22 May 2006 } { 3 Kommentare } { Link }

So, entlich widermil än Itrag...

Do i minärä Hood hani immerno alläs im Griff. Usert sGäld, da goht wäg wiä nüt, aber kai Problem, every day I'm hustling...

Wiäner ev. scho wüssäd, muäni sit ca. 3 Wuchä nümä butzä, han also mini Männlichkeit wider zruggwunä. Schaff ezt teilwies im Salesoffice, teilwis adä Reception.

I üsäm Apartment ändärät sich fascht jedä Tag öpis. Dä scheiss Freak raschtäd zwüschädinä wider us, hät letschti dä ein fascht zämä gschlagä und macht denn än Tag spöter wider uf pussy, wöt denn amäl wider über sini Gfühl redä, fangt fascht a brüälä usw. Morn söter warschindli usziä. Und däfür söt ein vo California do anächo, bzw. isch dä scho do, söt denn aber do iziä. Dä schaffäd ergändwiä no 50 prozänt bi MTV.  ..also, wenär inärä Wuchä än Dickä Schwiezer imänä Gangstervideo gsehnd, da wär denn i! Ah jo, und dä DJ isch ezt do, hät sis ganze Equipment mitgnoh, morn sötäd anschinänd no dPlattä acho. Angeblich segär rächt bekannt in Italiä, aber vilicht ischs eifach nur so än verdammtä Freak, wo dRealität nöd gseht...

Dä David Blame i sim huärä Aquarium hani natürlich au gseh, aber isch no unspektakulärer als wemern im TV gseh hät....

 

Suscht hani nöd würklich spektakuläri Stories uf lager.Userhalb vo Manhattan hät ä 13jöhrigs Maitli zu zweinä im Kino gsait söläd ufhörä Rauchä, denn händ si verschossä.

Bidä Nadja bini auscho gsie, schafft voll im Scheiss ussä, absaits vodä Zivilisation.

Sorry das nöd würklich neui Fotänä hät, aber üsä scheiss Computer isch kabut, bzw. beidi, mir händ än neuä übercho. Dä Computerheini hät gmeint är chön us 2 guätä Computers, ein ultimativguätä machä, aber da isch denn halt nöd so eifach gsi wiäner gmeint hät. Und jetzt sind beidi im arsch.

 

So, weiss scho nümä wa schriebä, aber sMeischte wärdäder den eh no ufdä Kamera gseh, wiä zum Bispiel dAlaitig vomä Ghettobuäb, wiämer Usärä Sigarrä än richtigä Blunt drüllt.

 

Also, passäd uf eu uf und chömäd niä uf diä Idee zum imä Kino rauchä, chönt Konsequenzä ha....

 

piiis us Manhattan

 

 



Long Island

{ 10:14, 21 May 2006 } { 0 Kommentare } { Link }

so,i chan aso au diae sitae nutzae super sach,so mueni selber noed so aen shit irichtae,und ihr muend au noed 2 siitae checkae.huiuiui,soviel vortei.i choent eu scho so viiiiiiiiiiel sachae verzellae,aber da interessiert eu wohrschinli genau so wenig wiaes mi wuer.churz gseit,do isch alles eifach pfui gruesig,diae chuchi isch under dae guertelliniae,uesaen lebenmittelinspektor wuer is komma fallae.aes haet noed mol seifae i dae chuchi!!und fuer diae wo drus choemaed,vo waegae verschideni brettli und so,do haets 1 brettli pro chopf,mir haend genau 3 brettli domer 3 sind,und oeb do druf gad rohs poulet gschnittae wordae isch und naer schinkae oder fruecht interessiert genau niemert.dae "health inspector"wo do cho isch haet aber gmeint aes seg alles oke..hallo?!i glaub dae haet anstatt d'chuchi nur mi agluegaet..(sorry baby).aes paar vo eu wuessaed jo dasi do einae uf hallo-i-bi-dnadja-und-cha-kei-spanisch machae ha woellae.allerdings hani da scho a mim erschtae arbaetstag ueber dae hufa ruerae muesae will dae typ womi haet muesae teachae eifach nuet verstandae haet weni uf englisch gredaet han.hani denkt oke burscht,das fuer di chli eifacher isch redemaer halt spanisch.und ezt redaet alli nurno spanisch mit mir.super fuer mis english.dae sili hani natuerli au scho gseh.bi gad am mentig noch big manhatten,hui isch da alles hoch.und vom sili hani no ae rosae becho,joeoeoeoeo so schnuselig.so,da mail isch fuer mini verhaeltnis scho viel zlang,drum hoeri ez.

 

bis bald fruendae,benimaed(i hassaes dases do kei "oe""ae"und "ue" haet)eu aschtendig

 

nadja



Time Square

{ 12:34, 27 April 2006 } { 2 Kommentare } { Link }


so, entlich haets dochno klappaed mit dem scheiss blog. messi vali!

also, doch jetst mol vo ganz vornae...

noch ca 15 stundae reis bini am 15 Februaer 2006 um 10.00 uhr denn entlich im hostel in manhattan acho. bin au gad vo parnae herzlich empfangae und uf zimmer begleitaed wordae..  ..was jedoch meh drecksloch als zimmer gsi isch. doch zum guaetae glueck isch da jo nur fuer ei nacht gsi, denn diae schnarchlis und stinkers wo im glichae zimmer gschlofae haend, hetti kai nacht laenger usghaltae....

..mmmm, vergaessaemer dae scheiss detailkram, wo sowieso niaemert interessiert....

i wohn ezt i washington hights, ca 20 min vom time square. do obae haets nur puertocicans. i und teilwies mini mitbewohner sind also ca di einzigae wuerklich wiesae. uesi wohnig isch eigentlich raecht gedigae, zu mindaest fuer diae gegaend. d.h. woni cho bin haet si richtig scheisse usgseh, aber mit hilf vomaenae "tataedrangflash" gseht si jetzt verdammt guaet us. sind znacht am 10i uf diae idee cho dasmer dwohnig choentaed neu irichtae. also haemmer mol allaes usaekickt (d.h. numae i und nomol ein) womer noed schoe gfundae haend. denn simmer uf dstross und haend ae ganzi verdammti wohnig zaemaegsammlaet. vo tisch ueber stueael uber spiaegael etc...

wohnae tuaeni mit amea nazi (wo i ergaenaerae unbekanntea hip hop-crew isch, haets aber no raecht druf..) undaemae englaender im zimmer und im andaerae zimmer isch no aen schwiezer (aen choch) und aen hispanic. noegscht wuchae chomaemer no aen spaghettifraesser ueber wo angeblich aen bekanntae DJ isch....   ....zzz, und aer bringi sis ganze equipment mit...  ja ja, mal schaun....

ah jo, no zum hispanic, dae isch raecht luschtig, letschti ischer doch voll usgraschtaed haet allno 10'000 mol gsait fuck you, jedae zaemaegfluaecht, woelae dMaffia uf ues ali hetzae, bla bla bla, raecht luschtig. gescht ischer zum zweitaemol usgraschtaed, und huet entloh wordae, aber aer wohnt glaub immero do. ah jo, und aer haetmer abottae  oebi luscht heg zum mol daeftig eis  id fraessae ubercho....  so naett!!  ..han jedoch denn dankaend abglehnt.....

vor haer sind no aen portugies und zwei anderi schwiezer do im apartment gwohnt,aber dieae haend sich ezt verpisst. im apartment ob ues sind dFrauae, fascht nur intalienischsprechendi schwiezerinnae. alli raecht luschtig und naett und am wichtigschtae, si sind "chochfreudig"

...so, gnuaeg vo mim apartment berichtaed, bin sowieso di meischt ziet noed daehai....
hmmm, muae gad ueberleggae, dZiet goht do so verdammt schnaell verbie, dasi garnoed wuerklich waiss wani so mach....    am afang bini eigentlich jedae obig in usgang. isch jedoch verdammt tuer. fuer aen club zalsch schnaell 30 dollar itritt, und ae bier chunsch aunoed under 7 dollar ueber..   ...ussert du gosch is sinsin, doet woni eigentlich am meischtae anaegang. isch sonaen chlinae club, ala dreacksloch. jedae maentig isch freestyleobig und jedae erscht maentig im monaet isch freestylebattle. raecht krass wa diae do so druf haend. dae wo diae ganz sach amael hostaed isch dae ill spoken, do anschinaend raecht bekannt..  ..aber gsehnder eh no allaes uf video....

aber jo, in manhattan gits raecht vill zmachae, voll super, goend maengmol go basketballs spilae, theater, kino, usstellig, vernisage, strand (woni jedoch bis jetzt erscht eimol gsi bin) usw. usw..... letscht wuchae simmer go roots manuva luaegae, dae typ haet genau garnuet chonae, unglaublich...

also, hoer ezt uf so langwieligi scheisse zschriebae, nim ah haet eh niaemert min ganzae text glaesae, wueri aunoed...   ...d.h. ussert sRoeslimoesli, wo sich sicher ergaendwiae naebaedaem schaffae muae beschaeftigae....

machts no guaet mini liaebae fruendae und fruendinnae, verwanntae und bekanntae. checkaed mini foetaeli (wo eigentlich au langwielig sind...) und loend mi wichtigi news wuessae...

keep it gangsta

greetz us manhattan

ah jo, und wenn ergaend oepert aen fotiwunsch haet, loents mi wuessae, i hol fascht allaes vors objektiv, wa noed schnaeller als i isch....


Über mich

Startseite
über mich
Archiv
Freunde
Mein Fotoalbum

Links

basislager.tk
Druck Punkt

Kategorien


Neue Einträge

last time
Ernesto,Usher and Roger Federer
Silvan on TV..
3 more weeks
sky terror

Freunde