Sonntagslyrik

Lönd mich mal in Rueh!

Hey Lüüt ich muss Eu scho wider schriibe
Es git eifach Lüüt die händ vo Geburt ah e Schiibe
Nöd wägem Schnupfe und au nöd wägem Weedä
Die existiered galub nur zum allne de Tag z'vermiisä - Mann, ich schieb Kriisä!

Morge am 9ni, ich gib mim Mami en Kuss
Ziehn mini Schueh ah und laufe zum Bus
Da schlurft mer für hüt scho de erscht über de Wäg
Staht vor mich häre: Ey Andy, bisch zwäg?
Ja voll, bin in zimmli gueter Stimmig gsi
aAer dank dinere Visage isch das wider verbii
Nei, da löschts mer ab und ich bin nani mal im Büro
Tja, so lupfts mer de Huet und ich zünde wie en Pyro
Alte, musch du mich eigentlich jede Morge nervä??
Uund chasch dich nöd mal in anderi chleider werfe??
En termin bim couffeur wär suscht au mal abracht
Merksch dänn nöd das jede en Boge um dich macht??
Ich wett ufem Zug nöd redä, scho gar nöd mit dättige
So Type ohni Grips wo stussed, die mached mi färtig eh!
Er zottled defo und irgendwie tuet er mer leid
Aber zum Glück hät's em ändli mal öper gseit
Aight
Am Bahnhof acho, de Zug staht scho parad
Ich stiege ii und hock näb eim ab
Wieder e super Wahl hani troffe, so wie immer
Aber dä isch na schlimmer, en völlige spinner
Nöd nur das sin Gruch mier i dä Nasä biisst
Und daser us Langwiili sini Hose verriisst
Nei, er macht s'Muul uf und spricht mi na ah
Sini Wort sind egal, ich gseh nur sin Zah
Ein einzige, all andere sind eifach nüm da
Aha, ich verstah, ja dich MUESS mer ja schlah!
Ich wände mich ab und heb de chopf i mini Ziitig
Tuen als würi läse und dänke friidlich an Friitig
Wie schön dases gsi isch ohni all die Spastis
Da ruckt er sich is Bild und zeigt mer sini Huskys
Din Pulli isch mer egal, wie chunsch au da druff??
Wännd unbedingt rede wetsch dänn gang doch in Puff!
Isch villiicht tüürer als telfonischi Hilf
Aber mit bitz glück kriegsch det ä geili MILF
Poah, muss s'Abteil wächsle und frischi Luft inhaliere
Und lahn mi vo dä S9 in HB chauffiere

Mer händ halbi 10i, ich erreich de
 limmatplatz
Büge id Langstrass ii und beobacht en Spatz
Vo hine chlopfs uf d'Schultere: Häsch mer e Zigi?
Woah verpiss di! das sind mini aso figg di, easy?!
Mann, langsam bini würkli glade!
Ziehn a mim Fade und laufe wäg vo dere Made
Nur schnäll is Gschäft ohni grössere Schade
Hans scho fascht gschafft, na ein zwei Schritt
De Badge scho dusse da kriegi en Tritt
Ich dräh mi um, han mini Fuscht scho ganz verchrampft
Als mich die wiiblich Schöhnheit bildlich in Bode stampft
Ich stocke, stottere und bring käs richtigs Wort vo mier
Du, mini Velochette isch dusse und es isch es riisä Gschmier
Seit das Wesä, ihri Stimm bringt mi fascht zum Schmelzä
Woah, für dich wür ich mich sogar im Schmieröl wälzä!!
Da isch mer was klar worde und es besorgt mi chlii
Ich chönt uf käne vo dene würkli bös sii
Sie brüüchtet halt ebä die richtig Chörbligrössi
:-P

10:07 - 28 April 2008 - comments {0} - post comment

Frei-tag, von wegen!

Hüt hani voll kei Luscht zum schaffe
Bin scho mini sächsti Zigi am paffe
Han hüt morge mal wider verpfuused
Und sueche verzwiifled nachere Uusred
Schieb d'Arbet ab zu dem wo na Pfuus het
Vorallem die Sache vor dene's mer gruused
Wämmers gnau nimmt sind das fascht alli Fäll
Ussert die würkli liechte, die machi schnäll
Die reschtiliche Sache tueni eifach verachte
Pack sie ine Schachtle und tue sie verfrachte
Lahn sie übers Weekend im Schrank übernachte
Und jetzt hocki im Steuel und bin chli am surfe
Ei mal im Monet wird mer das wohl na dörfe
Ich han für de Chef hüt halt eifach kei Nerve
Und wänn sie chunt wirdi Stei nachere werfe

Nur öpis haltet mich ab usem Feischter z'springe
Wiiterzmache und mich nöd sofort umzbringe
Es isch de hütig Tag mit sim irrefüerende Name
Wär er nöd de letscht dänn würden verdamme!
Freitag, klarer chamers nöd säge
Dä müssti doch frei sii! Ja vo wäge
Nei, mer muss ganzi 8 Stund ume sitze
Chrüpple, tippe, Gas geh und schwitze
Es isch dä Tag wo namentlich Freiheit verspricht
Und im gliiche Moment sis Verspräche wider bricht
Aber ebä, es isch de Letschti also wetti nöd motze
Nimmes easy und versuech vor Zfrideheit zstrotze

03:55 - 15 February 2008 - comments {0} - post comment

Richi Riich

Ich teil eu mal wider mit:
Mir isch es langwiilig und ich bin voll nöd fit!
Das Gfühl laht sich nöd in Wort uusdrucke
Drum bini wider mal chli am Reimli spucke

Ich verzell eu vom Richi Riich, en Bänkler
Wett er Räge, chauft er sich en Spränkler
Wett er es Bier, bout er sich e Strandbar
Und statt ä Garage hätt dä Mah en Hangar

Zum Spass chauft er sich Gäld mit sim Gäld
Und wänner wett, chauft er sich di ganzi Wält
Er isch so riich, das chasch gar nöd glaube
Scho jenschti händ sis gäld welä raube
Ettlichi vo däne händs schlussändlich au gschafft
Aber de Richi isch so riich, dä häts gar nöd grafft

Nur öpis bliibt dem arme verweigeret
Es regt en so uf, dass er sich inesteigeret
Er hett doch so gern e Frau a dä Hand
Eini wo IHN liebt und nöd sin Kontostand

Mit Gäld chasch bummse, rauche und sauffe
Aber Liebi wird mer sich nie chöne chaufe
Gäld allei wird Mänsche nur für churzi Ziit binde
Mit dem muss sich leider au euse Richi abfinde

03:58 - 25 January 2008 - comments {0} - post comment

Based on a true story

Mis nöchschte Poem widme ich aneme treue Gefährt.
Er lacht au wänns nöd luschtig isch drum isch er's wärt.
Us Dateschutzgründ lahn ich sin Name us
Und sägem ab da nur na minus-minus.

En "gsunde" Mänsch git sich es plus-plus
Er isch voller Läbensfreud und voller Gnuss
Nöd so en minus-minus, er wett sich absondere
Er hät sich sälber nöd gern und gnau so die andere
Das chan ja nöd gah, das chan ja nöd klappe
Und so schisst er andauernd allne uf d'Chappe

Es isch Morge am sächsi und de Wecker klinglet
Er wacht langsam uf, dräht sich und blinzlet
Er dänkt sich jetzt scho: Same shit, diffrent day
Scheiss Mörge, ich muss luege dasi nöd brei
Sini Wält isch dunkel und es git überhaupt kei Sune
Und bi dä Motivationsvergab hätter sicher nöd gune
So schleppt er sich träg in Richtig Badzimmer
Und ab däm Ziitpunkt wird’s au nur na schlimmer
Er gseht sich im Spiegel und luegt sich id Auge
Wider spillt er mit em Gedanke sich s'Läbe zraube
Ohni sin Pc wärer zur Tat übergange
Und hett sich a dä Zimmerlampe erhange

Nachem dusche und em Gipfel zum Zmorge
Nimmt er d' Blacklist (die woner wett ermorde)
Und gaht usem Huus, lauft richtig Busstation
Ohni jeglichi Freud und voller Frustration
Es Meitli chunt entgäge, i dä Hand es Trotti
Er staht vor sie häre und seit: "Du, das wotti!"
Sie seit em es seg ihres und er söll sich verpisse
Da nimmt er ihri Schuelmappe und hät si verrisse
Er schupft sie uf d'Siitä und nimmt waser hät welä
rüeft hinderherä:
"Das wirsch keinem verzelä!

Uf em Wäg zum Bahnhof fangt's dä wider ah
Er macht sich Vorwürf, und fangt sich ah schlah
"Du Tubbel!", seit er sich, "Wäs häsch wider gmacht?!
Das härzige Meitli hät doch vorher na glacht!
Du bisch förig uf dere Wält, niemmer bruucht di
Und lug wied wider uusgsehsch, zieh mal de Buuch i!"

Es isch es truurigs Spiel und er tuet mer au leid
Und ich han em sicher scho hundert mal gseit:
Jetzt chum mal is Reine mit Dier und de Wält
Mach was us Dier und verdien echli Gäld
Aber sini Antworte sind immer di gliiche
Er lössi sini Ziit vill lieber verstriiche
Und solang er am Pc sini Games chan spilä
Müsser a sim Läbe nöd fiilä

To be continued...

 

12:16 - 15 January 2008 - comments {0} - post comment

Hexen Exen

Mit em nöchschte Itrag möcht ich churz druff hiiwisä, das ich nöd alles was ich schriibe zu 100% ernscht meine und nöd alles hinderfrögt söll werde, sondern das es lediglich zum Ziitvertrib dänkt isch. Ob Fiktion oder Realität sei dahingestellt. Merci. :-)
Mini Ex
Die wett na immer Sex
Und die Alt
Laht mi leider nani chalt
 
Isch unglaublich, zwei Wuche isch es här
Da chunt si uf mich los, i dä Hand hät sie e Schär
Wett mer de Zipfel abschniede, und brabbled was
Vo wäge sie heb sit längerem überhaupt kei Spass
Ich bringis nöd und sowieso
Sie hebis s'nöchschtmal gern im Po
"Alti", sägi, "Keis Problem!
Nur isch es bitzli unagnehm!
Du beleidigsch mich, es verletzt mi chli"
Sie holt churz us und schlaht i d'Chlötzli drii
"Jetzt bsorgs mer ändli du Hoppelhas
Aber richtig hert, ich stahn uf das!"
Scho mal Sex gha mit me quätschte Hode?
Da lisch scho bim erschte Stoss am Bode!
Da hani müsse säge: "Jetzt isch Schluss!
Lahn di nüme blicke, DA, din letschte Kuss"
Zwei Täg isch's gange, es lütet a dä Tür
Sie staht devor, in ihre "bränni es Füür"
"Ja guet, wänns sie muss chunsch halt ine
und wänns sie muss vo mir us au vo hine.."
 
Mini Ex
Die wett na immer Sex
Und die Alt
Laht mi leider nani chalt
 
Chum simmer fertig fangt sie a biissä
Und will mer debii a dä Nippel rissä
Ich raschte wider und schupf sie abä
Stahn uf de Balkon und rauch en Fadä
Ich sägere, sie söll ihri Sache packe
Ich hegi so en herte Schmerz im Nacke
Und ehrlichgseit findis voll nöd guet
Wänns bim Sex überall weh mache tuet
Sie erchlärt mer, sie bruchi so was
"Dänn stah doch eifach da une ufd Gass!
Findsch sicher eine wo au so chrank isch
mit somene scheiss Latex-Abtörn-Fetisch"
Kommentarlos isch sie dänn verreist
Was aber mit Sicherheit na nüt heisst
 
Mini Ex
Die wett na immer Sex
Und die Alt
Laht mi leider nani chalt
 
Was hani gseit, dasmal sinds 4 Täg gsi
Und scho wider chunt sie bi mier verbii
Aber dasmal bliibi härt und säge: "Spätzli,
Ich weiss du bisch es heisses Chätzli
Aber mit dim chranke Tigg
Chunsch bi mier ebä nüm zum Figg"
Sie verstaht d'Wält nüm und s'Muul staht offe
Da isch sie truurig zu sich und ihrem Teddy gloffe
Es tuet mer leid ihre müsse s'Herze z'bräche
Aber ich lahn mer bim Sex nöd gern Chnoche bräche!!
 
Mini Ex
Die wett na immer Sex
Aber jetzt
Hani sie endli versetzt

04:41 - 14 January 2008 - comments {2} - post comment

Einmal z'blöd, immer z'blöd

Ich schriib Eu grad schnäll en chliine Akt
Ich ghöre nämmli im Ohr es Ticke im Takt
Es taktisches Ticke also, wämmer so will :-P
Und solangi nöd schriibe wird's au nöd still
 
Es gaht um en Bued, er heisst Olaf
Er giltet bi sich im Bezirk als Dorfaff
Würkli alles gaht em schief und jede zweiti lingd en
Sogar d'Tocher vom Pfarrer chas nöd lah und gingd en
Öpe so wie de Charlie us "Ich beide und sie"
Nur isch dä Charlie wenigschtens bi sine Söhn na debii
Nöd so dä Olaf, ihn hät ächt niemert gern
Käne reded mit ihm und all blibed em fern
Villicht liits am Mundgruch oder a dä Mönchsfrisur
Villicht a dä bruunä Zäh oder a dä schlächte Rasur
Warschindli liits aber an allem zäme
Drum würder am liebschte uf de stell wägräne
Doch eines Tages da staht er am Waldrand
Links hebt er sin gfundene Chohl i dä Hand
Da gheit vom Himmel es göttlichs Gschöpf
Es gseht us wien e Fee, nur häts zwei Chöpf
Und wie mers ja kännt us dä Märlistund
Gits am Olaf folgendes kund:
EIN Wunsch dörf ich dier erfülle
Du musch nur säge was, und dich dänn um dich sälber trülle
Sofort dänkt er sich: Das isch min Tag!
Und seit: Ich wett das mich jede mag!
Er fangt sich a trülle und was passeiert jetzt ächt wohl?
Es gaht dänk denäbed und er gheit über sin Chohl
D'Fee vertätschts übel und chrümt sich vor lache
Und spottet:  Es stimmt, du bisch ächt nöd ganz bache
Es git ja lüt die packets eifach nöd
Und sind sogar zum wünsche z'blöd!

12:41 - 14 January 2008 - comments {1} - post comment

Day One

Folks, Herzlich Willkomme uf minere Siite
Hoffentlich klickeder nöd jetz scho wiiter
Suscht verpasseder de Iblick i mini strubi Wält
Ich dichte für Eu Gschichte und verlang au kei Gäld
Klar, das ganze isch na i dä Planigsphase
Aber immerhin häts scho es paar erschti Phrase
Wartet na es bitz und es chunt na meh
Das isch ersch de Afang, Ier wärded scho gseh

 

 

06:43 - 13 January 2008 - comments {2} - post comment

<%PostCommentPage%> <%PhotoAlbumPage%> <%ProfilePage%>
Description


«  August 2022  »
MonTueWedThuFriSatSun
1234567
891011121314
15161718192021
22232425262728
293031 

Home
User Profile
Archives
Friends

Recent Entries
- Lönd mich mal in Rueh!
- Frei-tag, von wegen!
- Richi Riich
- Based on a true story
- Hexen Exen

Friends